Sport • 26 Mamyr, 2022

Parıjde tosyn nátıjeler tirkelýde

16 ret kórsetildi

Parıjdegi «Rolan Garros» týrnıri bıyl tosyn nátıjelermen bastaldy. Dýaly aýyz mamandar keminde shırek fınalǵa shyǵady dep joramaldaǵan úsh birdeı myqty tennısshi alǵashqy aınalymnan asa almady. Olar – týnıstik Ons Jaber, ıspanııalyq Garbıne Mýgýrýsa jáne aýstrııalyq Domınık Tım. Sondaı-aq Pıreneı túbeginiń taǵy bir myqtysy Alehandro Davıdovıch Fokına men amerıkalyq Djenson Brýksbı syndy saqa oıynshylar da tusaýkeser kezdesýlerinde súrindi.

Álemniń altynshy raketkasy Ons Jaberdiń osy jarys­ta «alysqa shabatynyna» kúmán­danǵandar kemde-kem edi. О́ıt­keni týnıstik tennısshi grýntta óte jaqsy oınaıdy. Sońǵy bir-eki aı aralyǵynda ol Madrıdtegi WTA týrnırinde top jaryp, Rımdegi dodanyń fına­lynda óner kórsetti. «Rolan Gar­rostyń» sońǵy ekeýinde Ons tórtinshi kezeńge deıin jetip, byltyr Ýımbldonnyń shırek fınalyna shyqty. Biraq bul joly Jaberdiń joly bolmady. Ol oıda-joqta úzdikter tiziminde 56-orynda turǵan polshalyq Magda Lınetten utyldy.

Kezinde «Rolan Garrosta» top jaryp, qazirgi kezde WTA reıtınginde 10-satyǵa jaıǵasqan Garbıne Mýgýrýsa 37 jastaǵy estonııalyq tennısshi Kaııa Kanepıge ese jiberdi. Osydan eki-úsh jyl buryn ǵana «Úlken dýlyǵa» sanatyna enetin Parıj ben Melbýrndegi týrnırlerdiń fınalynda oınap, Londonda dara shyqqan Domınık Tım ATR tiziminde 89-orynǵa turaq­taǵan bolıvııalyq Ýgo Delen­ge jol berdi. Áıelder ara­syndaǵy eń baı tennısshi, AQSh pen Aýstralııanyń ashyq birinshilikterin eki retten ut­qan Naomı Osaka da eline eńsesi túsken kúıde oraldy. Ja­ponııanyń juldyzy AQSh-tyń arýy Amanda Anısımovadan aılasyn asyra almady. Mine, atalǵan týrnırdiń alǵashqy kezeń­inde osyndaı tosyn nátı­jeler tirkeldi.

Qazaqstandyq tennısshiler jaıynda aıtar bolsaq, Parıjde úsh oıynshymyz baq synaýda. Elena Rybakına dúnıejúzilik reıtıngte 78-orynda turǵan 31 jastaǵy nıderlandtyq Arancha Rýspen sheberlik baıqasty. Alek­sandr Býblık ATR tiziminde 65-satyǵa jaıǵasqan fransııalyq Artýr Rınderkneshpen kúsh synas­ty. Bul oıyndar dúısenbide bastalǵan edi. Alǵashqy setter­de jerlesterimiz jeńip jatty. Biraq Londonda tolassyz jaý­ǵan jańbyr jarystyń bere­kesin ketirdi. Sodan barlyq kezde­sý­lerdi keıinge shegerýge týra keldi. Kelesi kúni týrnır qaıta jalǵasty. Bir qýanyshtysy, Rybakına da (6:1, 5:7, 6:2), Býblık te (6:2, 6:4, 6:4) shabysynan jańylmaı, kelesi kezeńde kúsh synasý múmkindigine ıe boldy. Iýlııa Pýtınsevanyń qarsylasy da anaý aıtqandaı asa myqty bolǵan joq. 27 jas­taǵy rýmynııalyq Irına Bara osy kúnge deıin «TOP-100» oıynshynyń qataryna qosyla almaı júr. Iýlııa ony ońaı eńserdi – 6:3, 6:1.

Ekinshi kezeńde Iýlııa Pýtın­seva ıtalııalyq Kamıla Djord­jımen, Elena Rybakına amerıkalyq Ketı Volynespen, al Aleksandr Býblık serbııalyq Mıomır Kesmanovıchpen kúsh synasady. Bul oıyndardyń barlyǵy da búgin ótedi.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar