О́ner • 26 Mamyr, 2022

Tulǵalar beınelengen kompozısııalar

32 ret kórsetildi

Elordadaǵy Ulttyq mýzeıde Qazaqstan Sýret­shiler odaǵynyń múshesi, belgili qylqalam sheberi Muhtar Baıbosynnyń XIX-XX ǵa­syrda ómir súrip, qazaq óneriniń mereıin asyrǵan aı­týly tul­ǵalarǵa arnal­ǵan «Asyl mura» atty jeke kór­mesi ashyldy.

Mazmundy is-sharanyń ashylýynda Ulttyq mýzeıdiń ǵylymı hatshysy Saıalbek Gızzatov kór­meniń mańyzyna toqtaldy.

«Muhtar Qaıratuly – halqy­myzdyń dástúrli mádenıetin beıneleý óneri arqyly tanys­tyryp keledi. Onyń ulaǵatty ustaz retinde ónerli jastardyń bıikke samǵaýyna atsalysyp júrgen eńbegi de eren. Búgingi kórmede sýretshi qazaqtyń bir­týar aqyndary men dáýlesker kúıshileriniń beınelik obrazdary men sıýjettik áńgimelerin qamtyǵan portrettik kompozısııalaryn usynyp otyr. Sondyqtan atalǵan óner týyndylary talǵampaz kórer­menniń júreginen oryn alatynyna senim­dimin», dedi ol.

Kórmege qylqalam sheberiniń ulttyq ónerimizdiń tarıhynda esimderi máńgilik qalǵan Aqan seri, Birjan sal, Estaı Ber­kim­baev, Jaıaý Musa, Muhıt Mer­áliuly, Áset Naımanbaıuly, Úkili Ybyraı, Dına Nurpeıisova, Ke­nen Ázirbaev, Nartaı Beke­janov, Maıra Ýálıqyzy sekildi biregeı óner ıeleriniń por­trettik kompozısııalary qoıyldy. Bul kartınalardyń bári keskindeme jáne grafıkalyq úlgide salynǵan. Sýretshi ár ju­my­synda detalǵa erekshe mán be­rip, tulǵalardy kórkem beınelegen. Ondaǵy boıaý­lardyń túsi ǵana emes, shy­naıylyǵy da kóz tartady.

Sondaı-aq is-shara aıasynda kórnekti ánshi, Memlekettik syılyqtyń laýreaty Qaırat Baıbosynov kórmege usynylǵan talanttar ómirinen mazmundy áńgime aıtyp, sýretshiniń eń­begine joǵary baǵa berdi. Basqa da sóz alǵan azamattar qylqalam she­be­riniń shyǵarmashylyǵy jaıyn­da parasatty oı órbitti.

Kórme sońynda Muhtar Baı­bosyn: «О́ner adamynyń synshysy – halyq. О́nerimdi ba­ǵalap kelgenderińiz men úshin  úlken mártebe, zor qýanysh. Son­dyqtan bárińizge de alǵy­symdy aıtamyn», dep jınalǵan­darǵa rızashylyǵyn bildirdi.

 

Erkenaz Qordabaı,

L.N.Gýmılev atyndaǵy Eýrazııa ulttyq ýnıversıtetiniń 2-kýrs stýdenti

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar