Bul kelisimge Qyrǵyzstan tarapynyń áskerı-tehnıkalyq kómek kórsetý týraly ótinishi negizinde qol qoıyldy. Ol dıplomatııalyq arnalar arqyly ataýlary men kólemi kelisilgen áskerı múlikti bir rettik turǵyda berýdi qarastyrady.
Áskerı-tehnıkalyq kómek kórsetý Qyrǵyzstan Qarýly Kúshteriniń qaýip-qaterlerge toıtarys berý jáne búkil Ortalyq Azııa aımaǵynyń qaýipsizdigin nyǵaıtý múmkindikterin kúsheıtetini atap ótildi.
«Ortalyq Azııa aımaǵynyń irgeles aýdandaryndaǵy kúrdeli jaǵdaıdyń qaýipsizdik máselesine, sondaı-aq óńirlik qaýipsizdikke tóngen qaýip-qaterdiń ósýine baılanysty áskerı-tehnıkalyq kómek kórsetý Qyrǵyzstan Qarýly Kúshteriniń áleýetin jáne búkil Ortalyq Azııa aımaǵynyń qaýipsizdigin nyǵaıtady», delingen zań jobasynyń qorytyndysynda.
Áskerı tehnıkany Qyrǵyzstannyń Qoı-Tash eldimekenine avtokólikpen jetkizý shyǵynyn Qazaqstan tarapy qamtamasyz etip, óz moınyna alady.
«Qyrǵyz tarapy alynǵan áskerı múlikti tek qaýipsizdik maqsatynda paıdalanady, úshinshi tulǵaǵa bermeıdi, TMD elderine qarsy paıdalanbaıdy», dedi QR Qorǵanys mınıstriniń orynbasary Sultan Kamaletdınov.
Onyń aıtýynsha, ratıfıkasııalaý bıýdjetten qosymsha qarajat bólýdi qajet etpeıdi.
