«Eýrazııalyq ekonomıkalyq komıssııa, menińshe, aıtarlyqtaı tıimdi jumys istep tur. Biraq másele basqada jáne ol pikirtalasqa turarlyq. Eýrazııalyq ekonomıkalyq komıssııaǵa qosymsha ókiletter artýdyń qajeti bar ma? Biz Qazaqstanda bul másele boıynsha alǵa júgirmeı, birtindep jumys isteý kerek degen ustanymdy qoldaımyz. Túptiń túbinde Eýrazııalyq ekonomıkalyq komıssııa úkimet emes. Bul – 2015 jyly qol qoıylǵan tıisti jarǵymen ókiletteri belgilengen atqarýshy organ», dedi Prezıdent Eýrazııalyq ekonomıkalyq komıssııa forýmynyń jalpy otyrysynda.
Memleket basshysy ıntegrasııa kezinde týyndaıtyn keıbir máselelerdi dramaǵa aınaldyrýdyń qajeti joq ekenine de toqtaldy.
«Menińshe, ıntegrasııa úderisi kezinde týyndaıtyn qandaı da bir qıyndyqtardy dramaǵa aınaldyrýdyń qajeti joq. Bul qalypty prosess. Qazaqstanǵa kelsek, iskerlik negizdegi eýrazııalyq ıntegrasııany qoldaımyz. Árıne, odaqtaǵy búkil elmen pragmatıkalyq negizde jumys isteı beremiz», dedi Qasym-Jomart Toqaev.
Aıta keteıik, Prezıdent Qasym-Jomart Toqaev Qyrǵyzstanda resmı saparmen júr.
