Almaty qalasy – dostyq pen birliktiń, tatýlyq pen turaqtylyqtyń altyn besigine aınalǵan qut meken. Qazaq eliniń rýhanı, ekonomıkalyq jáne iskerlik astanasy ǵana emes, bul shahar halyqaralyq baılanystar men jyly qarym-qatynastyń oshaǵy retinde de qalyptasyp, talaı tarıhı sharalardyń bastaýy da bolyp keledi.
Tatýlyq pen baýyrlastyqty tý etken Almaty qalasyndaǵy halyqaralyq basqosýlar men ultaralyq ózara únqatysý sharalary únemi qala tórindegi Dostyq úıinde joǵary deńgeıde júzege asyp jatady. Qazaq elimen rýhanı baılanystaǵy ózge memleketterdiń týlary sap túzeı tigilgen eńseli shańyraqqa álemniń ár túkpirinen kelgen qutty qonaqtar atbasyn tirep, osy kıeli ordanyń minberinen beıbitshilik pen yntymaqtyń maqsatty áńgimesi jer-jahanǵa tarap jatady. Ártúrli ulttyń ókilderi shurqyraı tabysyp, árqaısysy óz ana tilinde sóılese de, barlyǵynyń júreginen qazaqtaı qasıetti eldiń keń qushaǵy men kúlli álemge nasıhat bolǵan beıbit tirligi, adamzat balasyn birlikke, tirlikke shaqyrǵan aqjarma peıili túıdek-túıdegimen tilekke aınalyp tyńdaýshysyna jetip jatady.
Alataýdyń aıasynda ornalasqan Dostyq úıi 1972 jyly sáýletshiler R.Seıdalın, L.Tımchenko men H.Iаkýpbaevtyń jobasy boıynsha salynǵan eken. 1974 jyly jobaǵa Qazaq KSR Memlekettik syılyǵy berilipti. Atalmysh ǵımaratta Qazaqstan halqy Assambleıasynyń basshylyq organdary, 19 etnomádenı birlestiktiń keńsesi, memlekettik jáne týǵan tilderin oqytýmen aınalysatyn 9 jeksenbilik mektep ornalasqan. Halyqaralyq máni zor kezdesýler men mańyzdy kelissóz júrgizý isi de osy jerde ótkizilip turady.
2006 jyldyń 29 jeltoqsanynda «Dostyq úıi» RMK bazasynda Ultaralyq qatynastar problemasyn zertteý ortalyǵy qurylyp, álemdik tájirıbege úlken úles qosarlyq mańyzdy zertteýler jasalyp, ıgi sharalar reti qalyptasty. Ultaralyq qatynastar problemasyn zertteý ortalyǵy Qazaqstan halqynyń tilderi men mádenıetin jandandyrý jónindegi áleýmettik baǵdarlamalardy júzege asyrýǵa, ultaralyq qatynastar men qoǵamdaǵy etnomádenı baılanystardy nyǵaıtý máseleleri boıynsha ǵylym men mádenıet salasynda ǵylymı-zertteý qyzmetin júrgizýge atsalysyp keledi.
Kúni búgin Dostyq úıinde ártúrli etnos ókilderiniń qatysýymen memlekettik til boıynsha jyl saıyn festıvaldar, konferensııalar, baıqaýlar men dóńgelek ústelder jáne mádenı sharalar ótkiziledi.
Qanat ESKENDIR,
«Egemen Qazaqstan».
ALMATY.
Tatýlyq pen baýyrlastyqty tý etken Almaty qalasyndaǵy halyqaralyq basqosýlar men ultaralyq ózara únqatysý sharalary únemi qala tórindegi Dostyq úıinde joǵary deńgeıde júzege asyp jatady. Qazaq elimen rýhanı baılanystaǵy ózge memleketterdiń týlary sap túzeı tigilgen eńseli shańyraqqa álemniń ár túkpirinen kelgen qutty qonaqtar atbasyn tirep, osy kıeli ordanyń minberinen beıbitshilik pen yntymaqtyń maqsatty áńgimesi jer-jahanǵa tarap jatady. Ártúrli ulttyń ókilderi shurqyraı tabysyp, árqaısysy óz ana tilinde sóılese de, barlyǵynyń júreginen qazaqtaı qasıetti eldiń keń qushaǵy men kúlli álemge nasıhat bolǵan beıbit tirligi, adamzat balasyn birlikke, tirlikke shaqyrǵan aqjarma peıili túıdek-túıdegimen tilekke aınalyp tyńdaýshysyna jetip jatady.
Alataýdyń aıasynda ornalasqan Dostyq úıi 1972 jyly sáýletshiler R.Seıdalın, L.Tımchenko men H.Iаkýpbaevtyń jobasy boıynsha salynǵan eken. 1974 jyly jobaǵa Qazaq KSR Memlekettik syılyǵy berilipti. Atalmysh ǵımaratta Qazaqstan halqy Assambleıasynyń basshylyq organdary, 19 etnomádenı birlestiktiń keńsesi, memlekettik jáne týǵan tilderin oqytýmen aınalysatyn 9 jeksenbilik mektep ornalasqan. Halyqaralyq máni zor kezdesýler men mańyzdy kelissóz júrgizý isi de osy jerde ótkizilip turady.
2006 jyldyń 29 jeltoqsanynda «Dostyq úıi» RMK bazasynda Ultaralyq qatynastar problemasyn zertteý ortalyǵy qurylyp, álemdik tájirıbege úlken úles qosarlyq mańyzdy zertteýler jasalyp, ıgi sharalar reti qalyptasty. Ultaralyq qatynastar problemasyn zertteý ortalyǵy Qazaqstan halqynyń tilderi men mádenıetin jandandyrý jónindegi áleýmettik baǵdarlamalardy júzege asyrýǵa, ultaralyq qatynastar men qoǵamdaǵy etnomádenı baılanystardy nyǵaıtý máseleleri boıynsha ǵylym men mádenıet salasynda ǵylymı-zertteý qyzmetin júrgizýge atsalysyp keledi.
Kúni búgin Dostyq úıinde ártúrli etnos ókilderiniń qatysýymen memlekettik til boıynsha jyl saıyn festıvaldar, konferensııalar, baıqaýlar men dóńgelek ústelder jáne mádenı sharalar ótkiziledi.
Qanat ESKENDIR,
«Egemen Qazaqstan».
ALMATY.
