Kelissózderge Qazaqstan Respýblıkasynyń (basshysy – Z.A.Amanjolova), Ázerbaıjan Respýblıkasynyń (basshysy – H.A.Halafov), Reseı Federasııasynyń (basshysy – M.I.Petrakov) jáne Túrikmenstannyń (basshysy – M.G.Atadjanov) delegasııalary qatysty. Otyrysta Iran Islam Respýblıkasy delegasııasynyń basshysy M. Barımanı tóraǵalyq etti.
«Otyrystyń kún tártibine sáıkes Kaspıı teńizinde tikeleı bastapqy syzyqtardy belgileý ádistemesi týraly kelisim jobasy talqylandy. Bul qujatty kelisý odan ári jalǵasatyn bolady. Taraptar Túrikmenstanda ótýi josparlanǵan Altynshy Kaspıı sammıtine daıyndalýǵa qatysty máselelerdi qarastyrdy, sondaı-aq Kaspıı teńizindegi yntymaqtastyqtyń túrli baǵyttary boıynsha pikir almasty. Delegasııalar ótken kelissózderge oń baǵa berip, otyrysty joǵary deńgeıde uıymdastyrǵany úshin Iran Islam Respýblıkasyna rızashylyqtaryn bildirdi», delingen habarlamada.
QR SIM málimetinshe, Kaspıı teńizi máseleleri jónindegi Joǵary deńgeıdegi jumys tobynyń kelesi otyrysy Túrikmenstanda ótedi. Onyń datasy dıplomatııalyq arnalar arqyly kelisiletin bolady.
