Sport • 30 Mamyr, 2022

Kimderdiń soqqysy joıqyn?

183 ret

kórsetildi

7 mın

oqý úshin

Taıaýda ǵana vRINGe.com ınternet-jýrnalynyń jańartylǵan reıtınginde orta salmaqtaǵy eń úzdik kásipqoı boksshylar qataryna Qazaqstannyń qos óreni engeni jaıynda jazǵan edik. Myqtylar tiziminde ataqty Gennadıı Golovkın kósh bastap tursa, Jánibek Álimhanuly tórtinshi oryndy ıelenip otyr. Kúni keshe barlyq salmaq dárejesi boıynsha TOP-10 bylǵary qolǵap sheberiniń esimderi jarııalandy. О́kinishke qaraı, úzdikter tiziminen GGG men Qazaq style-den basqa jerlesterimizdiń esimderin keziktire almadyq.

Ǵalym SÚLEIMEN

Kásipqoı boksta erler arasynda barlyǵy 17 salmaq dárejesi bar. Iаǵnı TOP-10-dyqtyń sanatyna 170 boksshy enip otyr. Qazirgi kezde amerıkalyqtardyń qarqyny óte kúshti. Úzdikter tiziminen AQSh-tyń 42 ókiliniń esimin keziktirýge bolady. Ekinshi orynda – Ulybrıtanııa. Tumandy Albıon eliniń 24 boksshysy myqtylar qatarynda. Úshinshi jáne tórtinshi satylarǵa jaıǵasqan Meksıka men Japonııanyń da jaǵdaıy óte jaqsy. Astekterdiń 18 jáne Kúnshyǵys eliniń 12 bylǵary qolǵap sheberi osy reıtınkke engen. Segiz ókiline senim artqan Fılıppınniń de qarqyny jaman emes.

Solarmen qatar TOP-10 boksshynyń sanatynda Reseı men Kýbanyń – alty, Pýerto-Rıkonyń – bes, Aýstralııa, Domınıka Respýblıkasy men Ýkraınanyń – tórt, Taılandtyń – úsh, Argentına, Nıkaragýa, Ispanııa, Venesýela, Brazılııa, OAR, Qazaqstan, О́zbekstan, Kanada jáne Kongonyń – eki, Jańa Zelandııa, Tájikstan, Pákistan, Panama, Indonezııa, Ekvador, Fransııa, Gana, Polsha, Germanııa, Belgııa, Abhazııa, Armenııa jáne Rýmynııanyń bir-birden sportshylary bar.

Búgingi tańda álemdik reıtıngte kósh bastaý qurmetine nebári 10 memlekettiń gúrzi judyryqty jigitteri ǵana bólenip otyr. Bul tartysta da AQSh-tyń aldyna eshkim túse almaıdy. «Bokstyń Mekkesi» sanalatyn Amerıkanyń bes betkeustary qarsy kelgenderdi qoǵadaı japyryp keledi. Jer-jahannyń teńdessizi dep tanylǵan Japonııadan úsh sańlaq shyqty. Ulybrıtanııanyń eki marqasqasy dál sondaı qurmetke bólenýde. Sondaı-aq kóshbasshylar qatarynda Ýkraına, Latvııa, Qazaqstan, Reseı, Aýstralııa, Meksıka jáne Taılandtyń bir-birden ókilderi bar. Mine, qazirgi kezde álemdik kásipqoı boksta ústemdik quryp júrgen osy memleketterdiń ór minezdi jigitteri.

Álemdik reıtıngterde kósh bastap turǵan eń úzdik úsh boksshy

+90,7 kılo: 1. Aleksandr Ýsık (Ýkraına),
2. Taıson Fıýrı (Ulybrıtanııa), 3. Entonı Djoshýa (Ulybrıtanııa).

– 90,7 kılo: 1. Maırıs Brıedıs (Latvııa),
2. Loýrens Okolı (Ulybrıtanııa), 3. Ilýnga Makabý (Kongo).

79,4 kılo: 1. Dmıtrıı Bıvol (Reseı), 2. Artýr Beterbıev (Reseı), 3. Djo Smıt (AQSh).

76,2 kılo: 1. Davıd Benavıdes (AQSh), 2. Keıleb Plent (AQSh), 3. Djon Raıder (Ulybrıtanııa).

72,6 kılo: 1. Gennadıı Golovkın (Qazaqstan), 2. Djermall Charlo (AQSh), 3. Demetrıýs Andrade (AQSh).

69,9 kılo: 1. Djermall Charlo (AQSh), 2. Sebastıan Fýndora (AQSh), 3. Braıan Kastano (Argentına).

66,7 kılo: 1. Errol Spens (AQSh), 2. Terens Kroýford (AQSh), 3. Iordenıs Ýgas (Kýba).

63,5 kılo: 1. Djosh Teılor (Ulybrıtanııa), 2. Hose Ramıres (AQSh), 3. Hose Sepeda (AQSh).

61,2 kılo: 1. Djordj Kambosos (Aýstralııa),
2. Devın Heını (AQSh), 3. Teofımo Lopes (AQSh).

59 kılo: 1. Shakýr Stıvenson (AQSh), 2. Kenıchı Ogava (Japonııa), 3. Oskar Valdes (Meksıka).

57,2 kılo: 1. Emanýel Navarrete (Meksıka),
2. Lı Výd (Ulybrıtanııa), 3. Mark Magsaıo (Fılıppın).

55,3 kılo: 1. Stven Fýlton (AQSh), 2. Mýrodjon Ahmadalıev (О́zbekstan), 3. Brendon Fıgeroa (AQSh).

53,5 kılo: 1. Naoıa Inoýe (Japonııa), 2. Nonıto Doneır (Fılıppın), 3. Pol Batler (Ulybrıtanııa).

52,2 kılo: 1. Kadzýto Ioka (Japonııa), 2. Djessı Rodrıges (AQSh), 3. Fernando Martınes (Argentına).

50,8 kılo: 1. Sannı Edvards (Ulybrıtanııa), 2. Dzýnto Nakatanı (Japonııa), 3. Artem Dalakıan (Ýkraına).

49 kılo: 1. Ken Shıro (Japonııa), 2. Djonatan Gonsales (Fılıppın), 3. Elvın Soto (Meksıka).

47,6 kılo: 1. Panıa Pradabsrı (Taıland), 2. Tammanýn Nomtrong (Taıland), 3. Masataka Tanıgýchı (Japonııa).

Árıne, Qazaqstan sekildi boks óneri aıtarlyqtaı jaqsy damyǵan qabyrǵaly memleket úshin bedeli zor vRINGe.com ınternet-jýrnalynyń reıtınginde nebári eki-aq ókiliniń bolýy azdyq etetini sózsiz. Sol sebepti de aldaǵy ýaqytta Gennadıı Golovkın men Jánibek Álimhanulynan bólek, taǵy birneshe otandasymyz ozyq ondyqtyń qataryna qosylýǵa tıis. Dál qazirgi kezde kimderge senim artýǵa bolady? Osy saýalǵa tushymdy jaýap alý úshin kásipqoı bokstaǵy eń beldi tórt nusqanyń reıtıngine kóz júgirtken jón.

Qazaqstannyń eń úzdik boksshysy Gennadıı Golovkın ekeni sózsiz. Qaraǵandy boks mektebiniń túlegi orta salmaqta (72,2 kılo) WBA-nyń sýper chempıondyq jáne IBF-tiń chempıondyq belbeýin ıelenýde. Dál osy salmaqta WBO-nyń reıtınginde ekinshi oryndy enshilegen Jánibek Álimhanulynyń «ýaqytsha» álem chempıony ataǵy bar. WBA tiziminde ol jetinshi orynda tur. Aıdos Erbosynuly men Qamshybek Qońqabaevtyń da qazirgi qarqyny qýantady. Ekeýi de eń beldi nusqalardyń reıtınginde tórtinshi orynǵa taban tireýde. Aıdos IBF-ta, Qamshybek WBA-da.

Sondaı-aq óz salmaq dárejeleri boıynsha myna jýan judyryqty jigitterimiz TOP-10-dyqqa enip otyr: Álı Ahmedov (76,2 kılo, IBF) – 5 oryn, Jánibek Álimhanuly (72,6 kılo, WBA ) – 7 oryn, Sultan Záýirbek (59 kılo, WBA) – 7 oryn, Jan Kosobýskıı (+90,7 kılo, WBA) – 8 oryn), Aıdos Erbosynuly (76, 2 kılo, WBO) – 8 oryn, Evgenıı Pavlov (55,3 kılo, WBA) – 9 oryn jáne Meıirim Nursultanov (72,6 kılo, WBC) – 10 oryn. Ázirge kásipqoı rıngte judyryqtasyp júrgen qazaqstandyq bylǵary qolǵap sheberleri arasyndaǵy eń úzdikteri osylar.