AQSh-tyń Iýdjın qalasynda uıymdastyrylǵan áıgili jarystyń úshinshi kezeńinde otandasymyz bıiktikke sekirý synynda óner kórsetip, úzdikter qatarynan kórindi. 24 jastaǵy jerlesimiz báseke barysynda 1,93 metr bıiktikti baǵyndyryp, «Gaýhar lıgasynyń» qola júldegeri atandy. Úshinshi kezeńniń bas júldesin Tokıo Olımpıadasynyń qola, 2019 jylǵy álem chempıonatynyń kúmis júldegeri ýkraınalyq Iаroslava Magýchıh (2 metr) jeńip alsa, amerıkalyq Vashtı Kannıngem ekinshi orynnan kórindi. Onyń nátıjesi – 1,93 metr.
Qazaqstandyq jeńil atlet Nadejda Dýbovıskaıa byltyr maýsym aıynda Almatyda ótken el chempıonatynda 2 metr bıiktikti eńserip, Azııa rekordyn jańartqan bolatyn. Bul – Dýbovıskaıanyń karerasyndaǵy eń úzdik nátıjesi. Al oǵan deıingi Sary qurlyqtyń úzdik kórsetkishi taǵy bir otandasymyz Marına Aıtovaǵa (1,99 m, 2009 j) tıesili-tuǵyn.
Aıta keteıik, Dýbovıskaıa «Gaýhar lıgasy» jarysyna bıyl alǵash ret qatysyp, júldegerler qatarynan kórinip otyr. Buǵan deıin bul jarysqa Olga Rypakova birneshe ret qatysyp, el qorjynyna júlde salyp júrgen edi.
