Elorda • 30 Mamyr, 2022

«Altyn kún» aıasyndaǵy án

299 ret kórsetildi

Elordadaǵy Ál-Farabı atyndaǵy Oqýshylar saraıynda «Altyn kún» V balalar patrıottyq ánder festıvali óz máresine jetti. Mádenı is-sharany Nur-Sultan qalalyq Qazaqstan halqy Assambleıasy bıylǵy Balalar jyly men 1 maýsym – Balalardy qorǵaý kúnine oraı uıymdastyrdy.

Festıvalǵa bas shahardaǵy etno­mádenı birlestikteriniń kórkemdik ujymdarynyń jas músheleri, jalpy bilim beretin orta mektep pen ansam­blderdiń oqýshylary, qysqasy, 6 jastan 16 jasqa deıingi barlyq tilek bildirýshi qatysty. Erejege sáı­kes úmit­kerler jas sanattarymen irik­teldi. Negizi patrıottyq ánder baı­qaýy eki týrdan turdy. Sodan sýyry­lyp shyqqan daryndy órender fınalda óner kórsetti. Balalar baıqaýda Otan, týǵan jer, balalyq shaq, dostyq taqyrybyndaǵy ásem ánderdi oryndap, kórermen yqylasyna bólendi.

Sonymen qazylar alqasynyń sheshi­mimen 6-10 jas aralyǵynda óner kórsetken balalar arasynda VokalArt stýdııa mektebiniń múshesi Aqnur Jumataı top jardy. Ekinshi oryndy –№66 mektep-lıseıindegi kompozıtor Altyn Mahanbetovanyń «Balapan saz» avtorlyq án klasynyń ánshisi Arýjan Kemelbaı ıelense, úshinshi oryn elordadaǵy «Koreı» etnomádenı qoǵamdyq birlestiginiń óreni Lı Regınaǵa buıyrdy. Al 11-13 jas aralyǵynda óner kórsetken jetkinshekter arasynan № 2 balalar mýzyka mektebiniń oqýshysy Arý­jan Qusaıynovanyń baǵy jandy. Ekinshi oryndy «Qyrǵyz» etnomádenı birlestiginiń jas múshesi Adııa Ysqaq jeńip alsa, úshinshi oryndy «Obereg» ýkraın qoǵamy birlestiginiń ónerpazy Adelına Mýsına ıelendi. Sondaı-aq 14-16 jas aralyǵyndaǵy baıqaýdyń júldesin Álıhan Bókeıhan atyndaǵy №76 mektep-lıseıiniń oqýshysy Baq­nur Meırambekqyzy qanjyǵasyna baılasa, ekinshi oryn – «Jaıhýn» qaraqalpaq etnomádenı birlestiginiń ókili Asyljan Kydyrnııazovqa bu­ıyrdy. Úshinshi oryndy «Obereg» ýkraın qoǵamynyń ónerpazy Anas­tasııa Ovchınnıkova aldy.

Áýezdi án shyrqalǵan festıval sońynda uıymdastyrýshylar jeńim­pazdar men barlyq qatysý­shyǵa baǵaly syılyq pen dıplom tabys etti.

Sońǵy jańalyqtar

Ekibastuzda 40-tan astam úıge sý berilmegen

Aımaqtar • 02 Jeltoqsan, 2022

Erbolat Dosaev Almaty qalasynyń ákimi qyzmetinde qaldy

Taǵaıyndaý • 02 Jeltoqsan, 2022

QazaqGaz dırektorlar keńesiniń quramy ózgerdi

Qazaqstan • 02 Jeltoqsan, 2022

Máýlen Áshimbaev Qytaı halqyna kóńil aıtty

Parlament • 02 Jeltoqsan, 2022

Meksıkada 200-ge jýyq adam ýlanyp qaldy

Álem • 02 Jeltoqsan, 2022

Shekarany búkil el qorǵaıdy

Qoǵam • 02 Jeltoqsan, 2022

Aıdos Erbosynuly aýrýhanadan shyqty

Boks • 02 Jeltoqsan, 2022

Dollar baǵamy qaıta ósti

Qarjy • 02 Jeltoqsan, 2022

Uqsas jańalyqtar