«Kenjegúl Qaıyrbolatova Ganıýshkınodan Atyraýǵa besinshi vagonmen kele jatqan. Ganıýshkıno stansııasynan shyqqannan keıin tańǵy saǵat 5-te Kenjegúldiń tolǵaǵy bastaldy. Poıyz basshysy Sáýle Ilııasova bastaǵan poıyz brıgadasynyń qyzmetkerleri qajet sharalar qabyldap, nusqaýlyqqa sáıkes mashınısti habardar etip, jedel medısınalyq járdem brıgadasyn jaqyn mańdaǵy stansııaǵa shaqyrdy», dep habarlady QTJ baspasóz qyzmeti.
Jedel járdem qyzmeti kelgenge deıin jolserikter - Myrzagúl Qarajigitova, Marııash Orazǵalıeva jáne Laýra Kamalova saǵat 05:30-da vagonda qyz bosanǵan jas anaǵa qajet kómek kórsetti.
Sáýle Ilııasovanyń aıtýynsha, jolaýshylar tasymalynda jumys istegen 15 jyl ishinde ol osyndaı jaǵdaıǵa alǵash ret tap bolǵan.
Atyraý stansııasyna kelgennen keıin jańa týǵan sábıdi anasymen birge jedel járdem qyzmetkerleri qabyldap alǵan.
