«2021 jyly táýlik boıy stasıonar jaǵdaıda 52 963 bala em aldy. «Qamqorlyq» bastamasynyń II-kezeńin júzege asyrý aıasynda 2022 jyldyń basynda 8 respýblıkalyq ortalyq Túrkistan, Jambyl, Almaty, Shyǵys Qazaqstan, Mańǵystaý, Qyzylorda, Aqmola, Aqtóbe oblystarynda, 2 erte aralasý ortalyǵy Almaty men Shyǵys Qazaqstan oblystarynda ashyldy», dedi Úkimet basshysynyń orynbasary depýtattyq saýalǵa bergen jaýabynda.
Vıse-mınıstrdiń aıtýynsha, bıyl elimiz boıynsha 17 «Qamqorlyq» erte aralasý ortalyǵyn turǵyzý josparlanǵan. Halyqty áleýmettik qorǵaý júıesi aıasynda árqaısysy 150 orynǵa arnalǵan ońaltý ortalyqtaryn Aqmola, Aqtóbe, Almaty, Atyraý, Shyǵys Qazaqstan, Jambyl, Batys Qazaqstan, Pavlodar, Túrkistan oblystarynda jáne Almaty, Nur-Sultan, Shymkent qalalarynda ashý kózdelgen.
«Sonymen qatar 8 óńirde aýtıstıkalyq spektri buzylǵan jáne ózge de mentaldy kemshilikteri bar balalar kúndiz kelip em alatyn ortalyqtar ashý josparlanyp otyr», dedi Eraly Toǵjanov.
