«Nur Otan» partııasynyń 15 jyldyǵyna oraı osy saıası uıymnyń Almaty oblystyq fılıalynyń uıymdastyrýymen «Bir halyq – bir el – bir taǵdyr» taqyrybynda Taldyqorǵanda respýblıkalyq aqyndar aıtysy ótti. Oǵan elimizge tanymal aıtys aqyndary qatysty. Igi sharany Almaty oblysy ákiminiń orynbasary Serik Muqanov ashty.
«Qazaqtyń sóz óneri – úlken qazyna, tárbıe mektebi. Sondyqtan jastardyń darynyn damytýǵa, oı-órisin keńeıtýge, jas býyn aqyndardy tárbıeleýge oblysymyzda jete mán beriledi. Jyl saıyn Muqaǵalı, Ilııas oqýlary, jyr músháıralary jáne Jambyl atyndaǵy respýblıkalyq jas aqyndar aıtysy turaqty uıymdastyrylýda. Aıtystyń da aıtysy bar. Naǵyz aıtysqa sýsaǵan halyqtyń demeýi men memleket tarapynan da qoldaý kórip otyrǵan bul aıtystyń Jetisý jerinen bastalýynyń ózindik tereń máni bar», dedi oblys ákiminiń orynbasary.
Jyr alyby Jambyldyń 1943 jyly Jetisý jerinde uıymdastyrylǵan aqyndar aıtysynda qazaqtyń aıtys ónerindegi sańlaqtaryn tizbelete tógiltken jyrymen Taldyqorǵandaǵy aqyndar aıtysy bastalyp ketti. Alaman aıtysqa Altaı men Atyraýdan, Arqa men Alataýdan jáne shyǵystaǵy kórshimiz Qytaıdan aýzyn aıǵa bilegen 10 aqyn qatysty. Jyr dodasynda baqtary men baptaryn synaǵandardy Parlament Májilisiniń depýtaty Orazgúl Asanǵazy bastaǵan qazylar alqasy jerebe tastaý arqyly juptady.
Qoǵamda oryn alyp jatqan túrli oqıǵalardy sóz marjanymen tizbeleı otyryp, eldi serpilter utqyr oı, tushymdy pikir aıta bilgen aqyndy halyq qoldap, dem bere jelpintip, 5 saǵat ýaqyt lezde óte shyqty. Álbette, kúndelikti tirlikke boı sýytyp, bolmashyǵa el nazaryn aýdarmaq bolǵan aqyndy sol zamatynda-aq qarsylasy bir sózben túıip, tuqyrtyp ta tastap otyrdy. Eń bastysy – Mádenıet saraıyn lyqa toltyrǵan el razy boldy.
Nátıjesinde ózgelerden oq boıy oza shaýyp, sýyryla shyqqan astanalyq aqyn Syrym Áýeshan bas júldege tigilgen 2 mln. teńgeni jeńip aldy. Al 1-oryndy ıelengen taldyqorǵandyq aqyn Jandarbek Bulǵaqov – 1,5 mln. teńge, 2-orynǵa qol jetkizgen Dıdar Qamıev – 1 mln. teńge, tutastaı alǵanda, aıtysqa qatysqan aqyndardyń barlyǵynyń qanjyǵalary maılandy.
Qoryta aıtqanda, nurotandyqtardyń uıytqy bolýymen Taldyqorǵanda ótken aqyndar aıtysy ózindik ereksheligimen máresine jetti.
Nurbol ÁLDIBAEV,
«Egemen Qazaqstan».
Almaty oblysy.
«Qazaqtyń sóz óneri – úlken qazyna, tárbıe mektebi. Sondyqtan jastardyń darynyn damytýǵa, oı-órisin keńeıtýge, jas býyn aqyndardy tárbıeleýge oblysymyzda jete mán beriledi. Jyl saıyn Muqaǵalı, Ilııas oqýlary, jyr músháıralary jáne Jambyl atyndaǵy respýblıkalyq jas aqyndar aıtysy turaqty uıymdastyrylýda. Aıtystyń da aıtysy bar. Naǵyz aıtysqa sýsaǵan halyqtyń demeýi men memleket tarapynan da qoldaý kórip otyrǵan bul aıtystyń Jetisý jerinen bastalýynyń ózindik tereń máni bar», dedi oblys ákiminiń orynbasary.
Jyr alyby Jambyldyń 1943 jyly Jetisý jerinde uıymdastyrylǵan aqyndar aıtysynda qazaqtyń aıtys ónerindegi sańlaqtaryn tizbelete tógiltken jyrymen Taldyqorǵandaǵy aqyndar aıtysy bastalyp ketti. Alaman aıtysqa Altaı men Atyraýdan, Arqa men Alataýdan jáne shyǵystaǵy kórshimiz Qytaıdan aýzyn aıǵa bilegen 10 aqyn qatysty. Jyr dodasynda baqtary men baptaryn synaǵandardy Parlament Májilisiniń depýtaty Orazgúl Asanǵazy bastaǵan qazylar alqasy jerebe tastaý arqyly juptady.
Qoǵamda oryn alyp jatqan túrli oqıǵalardy sóz marjanymen tizbeleı otyryp, eldi serpilter utqyr oı, tushymdy pikir aıta bilgen aqyndy halyq qoldap, dem bere jelpintip, 5 saǵat ýaqyt lezde óte shyqty. Álbette, kúndelikti tirlikke boı sýytyp, bolmashyǵa el nazaryn aýdarmaq bolǵan aqyndy sol zamatynda-aq qarsylasy bir sózben túıip, tuqyrtyp ta tastap otyrdy. Eń bastysy – Mádenıet saraıyn lyqa toltyrǵan el razy boldy.
Nátıjesinde ózgelerden oq boıy oza shaýyp, sýyryla shyqqan astanalyq aqyn Syrym Áýeshan bas júldege tigilgen 2 mln. teńgeni jeńip aldy. Al 1-oryndy ıelengen taldyqorǵandyq aqyn Jandarbek Bulǵaqov – 1,5 mln. teńge, 2-orynǵa qol jetkizgen Dıdar Qamıev – 1 mln. teńge, tutastaı alǵanda, aıtysqa qatysqan aqyndardyń barlyǵynyń qanjyǵalary maılandy.
Qoryta aıtqanda, nurotandyqtardyń uıytqy bolýymen Taldyqorǵanda ótken aqyndar aıtysy ózindik ereksheligimen máresine jetti.
Nurbol ÁLDIBAEV,
«Egemen Qazaqstan».
Almaty oblysy.
