Usynylǵan kandıdattardyń árqaısysy jeke qaraldy. Taǵaıyndaýdyń bul formaty úzdikterdi anyqtaýǵa jáne olardyń jumysyn laıyqty túrde baǵalaýǵa múmkindik beredi.
Birinshi kezekte QR Ulttyq ulany Bas qolbasshysynyń orynbasary qyzmetine «Halyq qaharmany» Qaırat Úmbetovtiń kandıdatýrasy qaraldy.
«О́zderińiz kórip otyrsyzdar, ol búkil satyny ótti. Bizdiń ulandarǵa durys tárbıeni «Halyq qaharmany» bermese, basqa kim beredi? Qaırat Jarylqasynuly, ulandyqtardyń moraldyq-psıhologııalyq jaǵdaıyn shyńdap, sarbazdarmen tárbıe jumystaryn júrgizýi qajet. Sizdiń erligińiz olarǵa úlgi bolady dep oılaımyn. Bul taǵaıyndaýmen biz Ulttyq ulandy nyǵaıtamyz dep úmittenemin», dedi mınıstr.
2016 jyly Qaraǵandy oblysyndaǵy áskerı bólimde polkovnık Qaırat Úmbetov jaýyngerlik granatany okopqa túsirip alǵan jas sarbazdy óz denesimen jaýyp, ajaldan qutqaryp qalǵan bolatyn. Sarbaz din aman, al polkovnıktiń boıynan granatanyń alpysqa jýyq jaryqshaǵy tabyldy.
Sondaı-aq vedomstvo basshylarynyń keńesi barysynda Ishki ister mınıstriniń buıryǵymen:
– Nur-Sultan qalasy Polısııa departamenti bastyǵynyń orynbasary laýazymyna Qýanysh Orynbetov;
– Pavlodar qalasy Polısııa basqarmasynyń bastyǵy laýazymyna Ermek Áljanov;
– Shymkent qalasy Eńbekshi aýdandyq Polısııa basqarmasynyń bastyǵy laýazymyna Almas Ámzeev taǵaıyndaldy.
