«Qalalyq jáne ózge de medısınalyq uıymdarda emdelip jatqan pasıentterdiń referendýmǵa qatysýy úshin medısınalyq mekemeler janynan jabyq ýchaskeler uıymdastyryldy. Respýblıkalyq mańyzy bar memlekettik mekemeler men medısınalyq uıymdardy eskersek, daýys berýge arnalǵan jabyq ýchaskeler sany – 27. 18 jasqa tolǵan pasıentterge, bosanatyn jáne bosanǵan áıelderge daýys berý kezinde tıisti málimetterdi toltyrý úshin ózimen birge jeke kýáligi bolýy jetkilikti. Jabyq ýchaskelerde saılaý komıssııasy da jumys istep, daýys berýdiń ashyqtyǵyn qadaǵalaıdy», delingen málimette.
Qalalyq Densaýlyq saqtaý basqarmasy bas memlekettik sanıtarlyq dárigerdiń qaýlysyna sáıkes aýrýhanalardyń stasıonarlary men akýsherlik bloktarynda karantın rejımi áli de óz kúshinde ekenin atap ótti.
