Parlament • 01 Maýsym, 2022

Senatorlar Norvegııa Koroldigine jumys saparymen bardy

22 ret kórsetildi

Muhtar Qul-Muhammed bastaǵan Parlament Senatynyń Halyqaralyq qatynastar, qorǵanys jáne qaýipsizdik komıtetiniń depýtattary EQYU-nyń Nur-Sultandaǵy Baǵdarlamalar keńsesiniń uıymdastyrýymen Norvegııa Koroldiginde jumys saparymen boldy, dep habarlaıdy Egemen.kz.

Stortıngtiń (Parlament) vıse-prezıdenti Karı Henrıksenmen, Halyqaralyq ister jáne qorǵanys komıtetiniń tóraǵasy Ine Soreıdemen, EQYU PA janyndaǵy Norvegııa delegasııasynyń basshysy Sıv Mossletpen kezdesýler boldy.

Qazaqstandyq delegasııa quramyndaǵy depýtattar Nurjan Nursıpatov, Qaırat Qojamjarov, Dana Nurjigitova, sondaı-aq Qazaqstannyń Norvegııadaǵy elshisi Erkin Ahınjanov Memleket basshysy Qasym-Jomart Toqaevtyń Ekinshi respýblıka qurýdy basty maqsat etken jáne elimizdi saıası jańǵyrtýdy kózdeıtin konstıtýsııalyq reformasynyń aýqymdy baǵdarlamasy týraly respýblıkalyq referendým qarsańynda áriptesterine egjeı-tegjeıli aıtyp berdi.

Karı Henrıksen júzege asyp jatqan saıası reformalarǵa nazar aýdardy jáne Muhtar Qul-Muhammed onyń ótinishi boıynsha aldaǵy sharanyń negizgi erejelerine jan-jaqty toqtaldy. Olardyń qatarynda sýper prezıdenttikten kúshti Parlamenti bar prezıdenttik respýblıkaǵa kóshý, adam men azamattyń quqyqtaryn qorǵaý, konstıtýsııalyq sot qurý, ombýdsmen mártebesin kúsheıtý, sondaı-aq Memleket basshysy men aımaqtyq ákimderge qatysty saıası partııalarda bolmaý jónindegi shekteýler men jańa partııalardy tirkeý rásimin jeńildetý týraly máseleleri bar.

«Elimizdiń Prezıdenti Qasym-Jomart Toqaev «Jańa Qazaqstandy» qurý maqsatyn alǵa qoıdy. Bul barlyq azamattardyń jeke bastamasy úshin múmkindikterdi qamtamasyz etetin neǵurlym turaqty, ártaraptandyrylǵan jáne teń quqyqty ekonomıkany, neǵurlym ádil qoǵamdy, sondaı-aq jigerli, serpindi jáne básekege qabiletti saıası júıeni bildiredi», dep atap ótti Muhtar Qul-Muhammed.

Pikirsaıys barysynda qazirgi geosaıası jaǵdaılarda teń ári syndarly syrtqy saıasatty júzege asyrý qajettigi týraly ózara pikir aıtyldy.

Buǵan deıin Norvegııanyń qorǵanys jáne syrtqy saıası mekemelerin basqarǵan Ine Soreıde qaýipsizdik salasyn qamtamasyz etý jáne osy salaǵa parlamenttik baqylaý engizý jónindegi ereje shyǵarý tájirıbesimen bólisti. Stortıngtiń róli tek zańdar men ulttyq bıýdjetti qabyldaýda ǵana emes, sonymen qatar mınıstrler kabınetin tyńdaý arqyly baqylaý fýnksııalaryn júzege asyrý nemese oǵan senimsizdik bildirýmen de kórinis tabady, bul tekserýler men tepe-teńdiktiń tıimdi júıesine qol jetkizedi.

Qazaqstan delegasııasynyń basshysy júzdesýshilerdi elimizde júrgizilip jatqan saıası jáne ekonomıkalyq ózgerister týraly habardar etti. Ortalyq Azııa elderi men Soltústik keńes parlamentteri arasynda dıalogty iske qosý ıdeıasyn qarastyrý usynyldy. Qazirgi zamanda Transkaspıı tranzıttik baǵyty erekshe mańyzǵa ıe bolyp otyr.

Muhtar Qul-Muhammed Ekinshi dúnıejúzilik soǵys kezinde Norvegııada qaza tapqan qazaqstandyqtardy, onyń ishinde 1944 jylǵy Petsamo-Kırkenes operasııasyna qatysýshylardy este saqtaý jónindegi birlesken kúsh-jigerdi atap ótti.

Memlekettik basqarý qyzmetin baqylaý jónindegi Parlamenttik ombýdsmenniń basshylyǵy Gýstav Havermen, sondaı-aq qorǵanys sektoryndaǵy adaldyq pen turaqtylyqty qamtamasyz etý ortalyǵynyń dırektory Per Krıstensenmen kezdesýlerde quqyq qorǵaý júıesindegi ombýdsmenniń róli men mártebesi talqylandy. Senatorlar adam quqyqtaryn qorǵaý salasynda usynylǵan konstıtýsııalyq ózgeristerdiń, atap aıtqanda, adam quqyqtary jónindegi ýákildiń konstıtýsııalyq mártebesin jáne onyń konstıtýsııalyq sotqa júginý quqyǵyn bekitý týraly mańyzdy baǵyttaryn atap ótti.

Parlamentshiler kezdesýdi qorytyndylaı kelip eldiń konstıtýsııalyq úlgisin kezeń-kezeńimen damytýdyń mańyzyna toqtaldy. Sondaı-aq bizdiń memleketterimiz arasynda neǵurlym tyǵyz baılanys ornatý jáne Qazaqstanda norvegııalyq elshiliktiń tez arada ashylýy týraly tilek bildirdi.

Aıana Toǵanbek

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar