Halyqaralyq balalardy qorǵaý kúni qarsańynda uıymdastyrylǵan kórmege bastaýysh synyp oqýshylary, ata-analar qaýymy qatysty. Kitaphananyń saıaly saıabaǵynda ótken sharada avtordyń osy ýaqytqa deıin túsirgen balalardyń baqytty ári qyzyqty sátterinen úzdik týyndylar kórermen nazaryna usynyldy.
– Kishkentaı balalar sýretke túsýde túrlerin jasandy etpeıdi. Kúlse de rııasyz, shynaıy kúledi. Sońǵy jyldary balalardyń osyndaı baqytty da qaıtalanbas sátterin baqylap júrip, sýretke túsirdim. Nátıjesi mine, halyqqa kórme retinde usynyp otyrmyn, – deıdi oblystyq «Didar» gazetiniń fototilshisi Tileýbek Shaıahmet.
Fototilshiniń áýelgi maqsaty – Shyǵysta fotoónerdi damytý. Aıtýynsha, eń jedel aqparat foto men beınerolık. Sondyqtan da osy salaǵa mán berýimiz kerek dep esepteıdi.
«Bizdiń bolashaq» atty alǵashqy jeke fotokórmesinde avtor qatysýshylar tarapynan qoıylǵan suraqtarǵa jaýap berip, sheberlik saǵaty arqyly fotoǵa túsýdiń jáne túsire bilýdiń qupııalarymen bólisti. Sondaı-aq fotograf kitaphanaǵa О́skemenniń kórikti jerleri men ártúrli mereke kúnderinde túsirilgen fotosýretter jınaǵyn syılady.
Kórikti kórme aldaǵy ýaqytta О́skemendegi Metallýrgter saıabaǵynda, Arbatta jalǵasyn tabady. Fototilshiniń josparyna qulaq túrsek, kórme balalar kúnimen ǵana toqtap qalmaıdy, aldaǵy mereke-meıramdarda da taqyryptyq kórmeler uıymdastyrýdy josparlap otyr. Máselen, ár mamandyqtyń merekesi qarsańynda fotosýret arqyly sol jumystyń qyzyǵy men shyjyǵyn sýretke tartyp, halyq nazaryna usynýdy kózdeıdi.
Shyǵys Qazaqstan oblysy
