Qala ákiminiń aıtýy boıynsha, halyqaralyq balalardy qorǵaý kúnine oraı óner-bilim, tanymdyq jáne oqý ortalyqtary, aýlalar ashyldy, sondaı-aq elordanyń barlyq aýdanynda festıvalder, sporttyq jarystar men konsertter ótip jatyr.
«Máselen búgin «Bilim-park» óner-bilim ortalyǵy (Nursaıa TK) ashyldy. Onda balalar robototehnıkamen, keme úlgileýmen, avıamodeldeýmen, vıdeografıkamen aınalysa alady, sol sııaqty bokspen shuǵyldanyp, dombyra shertý men shahmat oınaýdy úırene alady. «Bilim parkindegi» sabaqtar tegin, balalar oǵan Oqýshylar saraıynyń saıty arqyly jazyla alady. Budan bólek Oqýshylar saraıynyń (B.Momyshuly kóshesi, 5) bos turǵan oryndaryn paıdalana otyryp, qyzmetin aıtarlyqtaı keńeıttik. Onda «SANA» kreatıvti bilim berý ortalyǵy men «TANYM» kreatıvti tehnologııalar ortalyǵy ashyldy. Bul ortalyqtarda balalarǵa baǵdarlamalaý jáne kompıýterlik grafıka dáristeri ótedi. Al oıyn barysynda balalar qajetti bilim men daǵdylardy, ásirese robottardy baǵdarlamalaýdy, logıkalyq oılaýdy damytýdy jáne t.b. tez este saqtaıdy. Al sabaqtary tegin ótkiziledi», dep jazdy Altaı Kólginov.
Sondaı-aq elorda ákimi kezdesý sońynda túlektermen, halyqaralyq jáne respýblıkalyq olımpıadalardyń jeńimpazdarymen áńgime órbitti. Komandamyz jyl saıyn respýblıkalyq olımpıadalarda «Úzdik olımpıadalyq komanda» ataǵyna ıe bolyp keledi. Bıyl bizdiń komanda rekord ornatyp, 93 júldeli orynǵa ıe boldy. Munyń bári – ustazdardyń, mektep oqýshylarynyń jáne olardyń ata-analarynyń tynymsyz eńbeginiń jemisi ekendigin atap ótti.
«Memleket basshysy osy jyldy Balalar jyly dep jarııalady. О́skeleń urpaqqa jaǵdaı jasaý boıynsha tıisti jumystar júıeli júrip jatyr: mektepter salamyz, ustazdardyń jalaqysyn arttyramyz, tanymdyq jáne oqý ortalyqtarynyń jelisin keńeıtemiz.
Halyqaralyq balalardy qorǵaý kúnimen quttyqtaımyn! Árbir otbasyǵa, ár balaǵa zor densaýlyq, tabys jáne amandyq tileımin!», dep jazdy elorda ákimi.
Aıana Toǵanbek
