Referendým-2022 • 05 Maýsym, 2022

Palestına elshisi referendýmǵa qatysty pikir bildirdi

23 ret kórsetildi

Búgin elimizde Konstıtýsııaǵa ózgerister men tolyqtyrýlar engizýge baǵyttalǵan respýblıkalyq referendým ótip jatyr. Halyqaralyq aqparattyq ortalyǵyna Palestına memleketiniń Qazaqstandaǵy Tótenshe jáne О́kiletti elshisi Montasyr Ábýzeıd kelip, referendým týraly oı-pikirin bildirdi, dep jazady Egemen.kz.

Elshiniń aıtýynsha, saıası is-shara oıdaǵydaı ótip jatyr.

«Men Qazaqstanda joǵary mártebeli elshi retinde 6 jyl boıy jumys istep kele jatyrmyn. Osy aıdyń sońynda men dıplomatııalyq korpýsty áriptesime tabystaımyn. Búgin 2022 jyldyń 5 maýsymy – Qazaqstan halqy úshin mańyzdy kún. Men mundaı saıası is-sharaǵa halyqaralyq baqylaýshy retinde birinshi ret qatysyp otyrǵan joqpyn. Buǵan deıin Prezıdent jáne Parlament saılaýyna da qatysqan edim. Sondyqtan biliktiligim men tájirıbem bar dep senimmen aıta alamyn.

Búgin tańnan bastap kóp ýchaskelerge bardyq. Adamdardyń bári de esh qysymsyz, óz erkimen qatysyp jatyr. Eshqandaı quqyq buzýshylyq baıqaǵan joqpyz. Prezıdent Qasym-Jomart Toqaevtyń basshylyǵymen qazaq halqyna tabys jáne jetistik tileımin. Aıtyp ótkenimdeı atmosfera óte jaqsy. Esh qıyndyq kórmedim. Komıssııa múshelerimen tildestim. Komıssııa ártúrli uıymnan quralypty. Olar daýys berý prosesi boıynsha esh kedergi bolmaǵanyn aıtty. Tek usaq-túıek qıyndyqtar týyndaǵan. Máselen, Almatyda jáne Qaraǵandyda tirkelgen adamdar el astanasynda daýys bergisi kelse, komıssııa talon alyp kelgen jaǵdaıda ǵana sol ýchaskede daýys berýge bolatynyn túsindirgen», deıdi elshi.

Eske salaıyq, Memleket basshysy Qasym-Jomart Toqaev respýblıkalyq referendým ótkizý týraly buıryqqa 5 mamyrda qol qoıǵan edi. Qazaqstandyqtar referendým barysynda «ıá» nemese «joq» dep daýys beredi. El aýmaǵynda 10 myńnan astam ýchaske jumys istep, ol ýchaskelerde 11 mıllıonnan astam qazaqstandyq daýys beredi.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar