Referendým-2022 • 05 Maýsym, 2022

Referendýmnyń basty messedji – ulttyń birigýi

3400 ret kórsetildi

Halyqaralyq aqparattyq ortalyq platformasynda Qazaqstan strategııalyq zertteýler ınstıtýtynyń dırektory Erkin Tuqymov pen dırektor keńesshisi Asqar Nursha referendýmnyń mańyzy jáne ondaǵy ózgeristerge baılanysty sóıledi, dep habarlaıdy Egemen.kz.

QSZI dırektory bári biz oılaǵandaı jyldam bolmaıdy, túbegeıli ózgermeıdi. Jarqyn bolashaqqa baıypty reformalarmen jetemiz dedi.

«Bári de biz qalaǵandaı jyldam bola qoıýy ekitalaı. Bul rette bıliktiń ortalyqsyzdandyrylýy – eń mańyzdy másele. О́ıtkeni bizde eń túıtkildi áleýmettik problemalar jergilikti jerde qatty bolady. Jol salý, emhana salý sııaqty máseleler jıi týyndap jatady. Mysaly, Qaraǵandy, Jezqazǵan, Aqtóbe, Arqalyq problemasy sol óńirlerde sheshimin tabýy tıis. Búkil problemany tek Nur-Sultanda sheshý kerek degen bolmaıdy. Qazir aýyl ákimderin, sodan keıin aýdan ákimderin saılaımyz. Bári sátti bolsa oblys ákimderi men respýblıkalyq mańyzy bar qalalar basshylaryn da saılaıtyn shyǵarmyz. Bul múlde basqa jaýapkershilik», dedi Tuqymov.

Dırektor keńesshisi Asqar Nursha búgin óz basynda daýys berýge qatysty qıyndyq týyndaǵanyn, keıin báriniń ońymen sheshilgenin aıtyp berdi.

«Men Almaty qalasynda tirkelgenmin. Elordada jumys istegenime kóp bolǵan joq. Munda ýaqytsha tirkeýde bar bolǵandyqtan daýysymdy berdim. Bastapqyda aty-jónim tizimnen tabylmady. Biraq keıin saılaý ýchaskesiniń basshylyǵyna jaǵdaıymdy túsindirip aıtyp, daýys berý prosesi júzege asty. Men ózimniń azamattyq paryzymdy ótegim keldi. Eger óziń daýys bermeseń bul is-sharanyń mańyzdylyǵyn basqaǵa túsindirý múmkin emes», deıdi Asqar Nursha.

QSZI ókili halyqtyń tez arada úlken ózgerister jasalsa degen tilegi bar ekenin, biraq qazirgi usynylyp otyrǵan ózgerister men tolyqtyrýlardyń da úlken mánge ıe ekenin túsindirdi.

«Keı adamdar bizdegi reformalar onsha tereń emes deıdi. Olar budan da tereń, túbegeıli ózgerister kútedi. Biraq meniń keı áriptesterim mojarıtarly júıeniń ózgerister qataryna enýine qarsy boldy. Bizge tıimdi jáne myqty bılik kerek. О́ıtkeni álsiz bılik daǵdarystyq jaǵdaıda ahýaldy baqylaýda ustaı almaıdy, ekinshi jaǵynan bılikke degen halyqtyń senimi kerek. Konstıtýsııa osy suraqqa jaýap beredi. Jalpy, qoǵamnyń úmiti aqtalady dep oılaımyn. Bizdiń áriptester kezinde Ulttyq qoǵamdyq senim keńesine de qatysty. Olardyń aıtýynsha, usynystarynyń 70 paıyzy osy mátin pýlyna kirdi, sol mátinnen túzetýler qalyptastyryldy», dedi saıasattanýshy.

Referendým jaqsy ótip jatyr. Baıqaýshylar tarapynan da, halyq tarapynan da eshqandaı aryz-shaǵym kelip túsken joq deıdi. О́z kezeginde Erkin Tuqymov referendýmnyń basty messedji – ultty biriktirý ekenin, qazir barshamyzdyń qoǵam konsolıdasııasynyń júrip jatqanyna kýá bolyp otyrǵanymyzdy jetkizdi.

Sońǵy jańalyqtar

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar