Jalpy halyqtyq referendýmǵa daýys berýge kelgen el azamattary az emes. Tipti olardyń ishinde jastar men orta jastaǵylardyń sany basym ekenin aıta ketken jón.
Astana turǵyny Aınur Ospanova ózi tirkelgen 341 daýys berý ýchaskesinde óz tańdaýyn jasaǵan soń bizge shaǵyn suhbat berdi. Ol: «Biz árıne osy referendýmnan kóptegen ózgeristerdi kútemiz, Jańa Qazaqstan qurý ıdeıasyna senemin，Prezıdenttiń bul bastamasyn qoldaımyn，qazir bolyp jatqan，alda bolatyn ózgeristerge úmit artamyz. Bul alǵashqy qadam bolsa da，ony qoldaýymyz kerek»，degen kózqarasymen bólisti.
Nur-Sultan qalasy Máńgilik el 28/1 mekenjaıyna ornalasqan 341 daýys berý ýchaskesinde daýys berýge neshe adam tirkelgenin，daýys berý bastalǵaly beri neshe azamat daýys bergenin bile almadyq. Sebebi，atalǵan daýys berý ýchaskesiniń uıymdastyrýshysy Quralaı Serikqyzy aqparat berýge mindetti emespiz dep mán-jaıdy aıtýdan bas tartty.
