Yntymaq bastaýy

Men Beıbitshilik jáne kelisim saraıynda «Qazaqstan-2050» Strategııasy: beıbitshilik, rýha­nııat jáne kelisim mádenıeti» at­ty taqyrypta ótken Qazaqstan hal­qy Assambleıasynyń HHI sessııa­synan qanattanyp oraldym. Mun­daı bedeldi jıynǵa alǵash qa­tys­qandyqtan, Elbasynyń sózin úl­ken tolǵanyspen tyńdap, kó­­ńi­lime taǵylymdy oılar túıdim. Biz, Táýelsiz eldiń urpaqtary, Qazaqstannyń birlik pen turaq­tylyqtyń tal besigine aınal­ǵa­nyn árkez maqtan etemiz. Qara ­sha­ńy­raǵymyzdyń shaıqalmaýyn tileımiz. Elba­symyz el bir­li­giniń bastaýy tili basqa tilegi bir, júzi basqa júre­gi bir ulttar men ulystardyń óz­ara judyryqtaı jumylǵan tatý­­lyǵynda, ortaq maqsat jolyn­daǵy aýyzbirliginde ekenin únemi aıtyp, jol siltep keledi. Osy joly da ǵasyrlar boıy jalǵasyp, qasıetti qundylyqtar men ulttyq uly murattarǵa jetelep kele jatqan beıbitshilik, rýhanııat, kelisim sessııanyń basty arqaýyna aınalyp, HHI ǵasyrdyń eń basty zańdylyǵy retinde kóldeneń tartyldy. Elimizdiń ár qıyrynan kelgen túrli etnos ókilderi men san alýan mamandyq, kásip ıeleri toleranttylyq, dostyq, baýyrlastyq ıdeıalarynyń qanshalyqty qymbat ta qasterli ekenin jan júrekterimen uǵyp, Prezıdentimizdiń syndarly ulttyq saıasatyna, Qazaqstan halqy Assambleıasynyń Otanymyzdyń órkendeýiniń senimdi tiregine aınalǵanyna biraýyzdan qoldaý bildirdi. Memleket basshysy óz sózinde bizdiń qoǵamda eshkimniń de etnostyq artyqshylyǵy joq jáne bári de zań aldynda teń ekenin qadap aıtty. Onyń jarqyn úlgisin barlyq qazaqstandyqtar is júzinde aıqyn sezinip otyr. Oblysta búginde 40 myńǵa jýyq ýkraındyq turady. Ulttyq dás­túrlerimizdi qasterlep, ana tili­mizdi bilip-úırenýge bar­lyq jaǵdaı jasalǵan. 2050 Stra­te­gııasynyń talaptaryn oryn­daýǵa baǵyttalǵan sharalarǵa belsen­dilikpen qatysyp kelemiz. О́zime keletin bolsam, orys mektebiniń 11-synybynda oqımyn. Soǵan qaramastan, memlekettik tildi meńgerýge den qoıyp júrmin. Qazir jetik úırenip qaldym. О́ıtkeni, Qazaqstan – Otanymyz, taǵdyrymyz bir. Týǵan elimiz, kindik qanymyz tamǵan jerimiz Qazaqstan bolǵandyqtan, onsyz keleshegimizdi, bolashaǵymyzdy elestetýdiń ózi qıyn. Bárimiz de birtutas Táýelsiz eldiń birtekti balalarymyz. Elbasy biz sııaqty jas urpaq­­qa úlken senim artyp, keli­sim mádenıetin dástúr retin­de urpaqqa mura etý amanatyn, ekonomıkamyzdyń damýy, halyqtyń ál-aýqatynyń jaqsa­rýy úshin ortaq jaýapkershilik, Jalpyǵa Ortaq Eńbek Qoǵamyn qalyptastyrý talaptaryn júk­­tedi. Bir-birimizdiń jaqsy qasıet­terimizdi bilýge shaqyrdy. Osylaısha, qazaqstandyq beı­bitshilik, rýhanııat pen kelisim má­denıetiniń jeti arqaýlyq qaǵı­dattaryn boıymyzǵa sińirip, sessııadan rýhtanyp qaıttyq. Natalıa PETROVA, ýkraın etnomádenı birlestiginiń múshesi. Soltústik Qazaqstan oblysy, Ǵ.Músirepov aýdany.