«Qazaqstan Úkimetiniń sheshimimen «QazTransGaz» «Samuryq-Qazyna» AQ quramyna kirip, «ulttyq kompanııa» mártebesine ıe bolyp, portfeldik kompanııasyna aınaldy, sondaı-aq «QazaqGaz» dep ataldy.
Kompanııa «Jańarǵan QazaqGaz» kózqarasyn qalyptastyryp, jumystyń barlyq salalarynda tolyq kólemde jańartýdy bastady. Memleket basshysynyń tolyq aýdıt uıymdastyrý jáne kompanııa qyzmetinde transparenttilikti qamtamasyz etý týraly tapsyrmalaryna sáıkes, naqty jumys júrgizilip jatyr. Qazir 937 mlrd teńgeden astam somaǵa deldaldyq shemalar men qarjylyq zań buzý derekteri tabyldy. Onyń ishinen 123 mlrd teńgesine qatysty qarjylyq zań buzý jaǵdaılary dáleldendi. Barlyǵyn ashyq aıtýǵa daıynbyz. Problema kóp, sheshýge tyrysyp jatyrmyz», dedi S. Jarkeshov Májilistegi Úkimet saǵatynda.
Onyń aıtýynsha, kompanııanyń barlyq strategııalyq jobalary boıynsha jobalyq-smetalyq qujattamalar ázirlendi.
«Gazben jabdyqtaý naryǵynyń barlyq qatysýshylarynyń kúshin biriktirýge, senimdi seriktes qalyptastyrýǵa baǵyttalǵan QazaqGaz damý strategııasyn ázirleý boıynsha jumys júrgizilip jatyr», dedi basqarma tóraǵasy.
