Bul joba Almaty, Qaraǵandy, Mańǵystaý, Túrkistan oblystarynda pılottyq rejımde, Úkimettiń 2022 jylǵa arnalǵan is-qımyl baǵdarlamasy aıasynda iske asyrylady.
«Zhas Project» áleýmettik jaǵynan osal toptardaǵy, ásirese aýyldyq jerlerde turatyn jastardy óz eldi mekenderin áleýmettik-ekonomıkalyq turǵyda damytýǵa, ónimdi jumyspen qamtýǵa tartý, sondaı-aq jastardyń bıznes-ıdeıalaryn jergilikti jerlerde qoldaýǵa baǵyttalǵan.
ABQO basqarma tóraǵasynyń orynbasary Jasulan Bısembıevtiń aıtýynsha, joba óńirlerge qatysty 4 lotqa bólingen. Jobany iske asyrýdyń birinshi kezeńinde belgili bir óńirde jobany júzege asyratyn ÚEU tańdalmaq. Táýelsiz konkýrstyq komıssııa ÚEU-nyń ótinimderin qaraý kezinde Almaty, Qaraǵandy, Mańǵystaý, Túrkistan oblystarynda áleýmettik jobalardy iske asyrý tájirıbesin eskeredi.
Ekinshi kezeńde grantqa ıe bolǵan ÚEU qoǵam belsendilerinen, salalyq sarapshylar men kásipkerlerden turatyn óńirlik komıssııalardy qurady. Atalǵan óńirlerdiń árqaısysynda belgili bir jobany qarjylandyrýǵa 1 mıllıon teńgeni quraıtyn 63 shaǵyn grant bólinbek. Ár joba aldymen saraptamadan ótedi. О́ńirlik komıssııanyń baqylaýymen ár jobanyń tıimdiligi arnaıy monıtorıng barysynda anyqtalady dep kútilýde.
Aıta keteıik, jobanyń mańyzdy kezeńi «Zhas Project» qorytyndylaryn shyǵarý men sharaǵa qatysýshylardyń forýmyn ótkizý bolady.
ÚEU-dan ótinimderdi qabyldaý 2022 jylǵy 17 maýsymda saǵat 18:30-da aıaqtalady.
