Bir anyǵy, referendýmǵa daıyndyq jumystary óte joǵary deńgeıde uıymdastyrylǵanyn ańǵardyq. Daýys berý prosesi de bir júıege keltirilgeni daýsyz. Baıqaýshylarymyz aǵylǵan halyqpen suhbattasý barysynda eldiń referendýmǵa degen qyzyǵýshylyǵyna rıza boldy. Halyq shyn máninde belsendilik tanytty.
Konstıtýsııalyq reformaǵa baılanysty ótken jalpyhalyqtyq referendýmda baıqaýshylarymyz eshqandaı zań buzýshylyq tirkelmegenin resmı túrde málimdedi. Munyń barlyǵy da joǵary deńgeıde uıymdastyrylǵan jumystyń nátıjesi dep bilemiz. Al saıası naýqanǵa kelgen jurttyń júzinen qýanyshtyń taby ańǵarylyp turdy.
Qazaqstan halqy Prezıdenttiń usynǵan ózgeristerin qoldady. Olar Qazaqstandy damytý jolynda jańashyl kózqaras kerektigin túsinip otyr deýge tolyq negiz bar. Qysqasy, Prezıdent Qasym-Jomart Toqaev aıtqan Jańa Qazaqstandy qurý jumystary endi qyza túsedi. Bul, árıne, qoldaýǵa turarlyq bastama.
Chjan MIN,
Shanhaı yntymaqtastyq uıymynyń bas hatshysy
