Úzdikter marapattaldy

Is-sharanyń negizgi maqsaty – 2021-2022 oqý jylynyń qo­ry­tyndysyn shyǵarý, jalpy bilim beretin pánder boıynsha res­pýblıkalyq olımpıada jeńim­pazdary men júldegerlerin, daryndy oqýshylardy marapat­taý edi. Júzden júırik shyqqan bilim­di oqýshylarǵa bul kúni ob­lys ákiminiń atynan arnaıy al­ǵyshattar men baǵaly syı­lyqtar tabystaldy. Forýmda Shy­ǵys Qazaq­stan oblysy bilim bas­qar­masynyń basshysy Saırangúl Ahmetkárimqyzy úlgili de úzdik oqýshylardy merekesimen qut­tyqtap, jyly lebizin bildirdi.

– Daryndy jastar – kez kelgen memlekettiń maqtanyshy. Eldiń jarqyn bolashaǵy olardyń bilimi men jańa ıdeıalaryna baılanys­ty. Al balalardyń jetistikteri óńirdiń ımıdji men bedelin arttyrady, – dedi oblystyń bas us­tazy Saırangúl Jumadilova.

Aıta ketsek, oblysymyzdyń zııatkerlik qurama komandasy bıyl jalpy bilim beretin pánder boıynsha oqýshylardyń res­pýblıkalyq olımpıadasynda 30 medal jeńip alǵan. Onyń ishinde 8-i  altyn medal. Sonymen qatar forým aıa­synda respýblıkalyq olım­pıa­danyń jeńimpazdary men júlde­gerlerine Qazaqstan Res­pýb­lıkasy Bilim jáne ǵylym mınıstrliginiń medaldary men dıplomdary berildi.

– Jetistikke jetý ońaı emes. Halyqaralyq, Eýrazııalyq olımpıadalarda oryn aldym. Jýyqta jetken taǵy bir jetistigim APhO Azııa olımpıadasynda marapatqa ıe boldym. Qandaı da dárejege jetý úshin eń birinshi tabandy eńbek ete bilý kerek, – deıdi Semeı bilim-ınnovasııa lıseıiniń 11-synyp oqýshysy Muhamedkárim Qanysh.

Merekelik forýmnan alǵan áser­lerimen bólisken oqýshy­lar uıym­dastyrýshylarǵa alǵys­ta­ryn bildirdi, artylǵan úmitti aqtaý úshin bilim jolynda eńbek etýge ýáde etti. Joǵaryda aıtyp ót­kendeı, saltanatty sharada beıbit kúnde jasaǵan erlikterimen kózge túsken oqýshylar da boldy. Onyń biri synyptasynyń ómirin qutqaryp qalǵan Rýslan Omarov edi. Ol mamyr aıynda sýǵa batyp ketken synyptasyn jaǵaǵa alyp shyǵyp, alǵashqy kómek kórsetken.

– Synyptasym sýdyń tereń jerine túsip ketti. Sóıtsek, ol júze almaıdy eken. Batyp ba­ra jat­qanyn baıqaı sala sýǵa se­kirdim. Onyń ústine sý da sýyq eken. Júzip baryp, jaǵaǵa shyǵardym. Keıin dosym alǵys aıtyp, óziniń velosıpedin syılady, – deıdi 7-synyp oqýshysy Rýslan Omarov.

Marapattaý rásiminen soń kúmis kómeı, jeztańdaı ánshiler ozat oqýshylardyń qurmetine ásem án arnady. Merekelik shara aıaqtala sala qushaqtary gúlge tolǵan oqý­shylaryn ustazdary da qut­tyqtap, aq tilekterin jaýdy­ryp jatty. Ras, ustazdan shákirt ozyp jatsa, us­taz eńbeginiń aqtalǵan­dyǵy. Al bilimde júldeger atanyp júrgen oqýshylar erteńgi kúni úlken ómirde de júldege jeteri sózsiz.

Shyǵys Qazaqstan oblysy