2013 jylǵy 16 qazan Astana qalasy
Joǵary jáne joǵary oqý ornynan keıingi bilim berý uıymdary qyzmetiniń úlgilik qaǵıdalaryn bekitý týraly
«Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 44-5) tarmaqshasyn iske asyrý maqsatynda buıyramyn: 1. Qosa berilip otyrǵan Joǵary jáne joǵary oqý ornynan keıingi bilim berý qyzmetiniń úlgilik qaǵıdalary bekitilsin. 2. Joǵary jáne joǵary oqý ornynan keıingi bilim departamenti (F.N. Jaqypova): 1) osy buıryqty Qazaqstan Respýblıkasy Ádilet mınıstrliginde belgilengen tártipte memlekettik tirkelýin; 2) osy buıryqty memlekettik tirkeýden ótkennen keıin buqaralyq aqparat quraldarynda jarııalanýyn qamtamasyz etsin. 3. Joǵary jáne joǵary oqý ornynan keıingi bilim departamenti (F.N. Jaqypova) osy buıryqty joǵary oqý oryndarynyń nazaryna jetkizsin. 4. Osy buıryqtyń oryndalýyn baqylaý Bilim jáne ǵylym vıse-mınıstri M.Q. Orynhanovqa júktelsin. 5. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.Mınıstr A.SÁRINJIPOV.
Qazaqstan Respýblıkasy Bilim jáne ǵylym mınıstriniń 2013 jylǵy 16 qazandaǵy № 420 buıryǵymen bekitilgen
Joǵary jáne joǵary oqý oryndary qyzmetiniń úlgilik qaǵıdalary
Jalpy erejeler
1. Osy Joǵary jáne joǵary oqý ornynan keıingi bilim berý uıymdary qyzmetiniń úlgilik qaǵıdalary (budan ári – Qaǵıdalar) «Bilim týraly» 2007 jylǵy 27 shildedegi Qazaqstan Respýblıkasynyń Zańyna (budan ári –«Bilim týraly» Zań) sáıkes menshik nysany men vedomstvolyq baǵynystylyǵyna qaramastan Qazaqstan Respýblıkasynyń joǵary jáne joǵary oqý ornynan keıingi bilim berý baǵdarlamalaryn iske asyratyn bilim berý uıymdary qyzmetiniń tártibin aıqyndaıdy. 2. Joǵary jáne joǵary oqý ornynan keıingi bilim berý uıymdary joǵary oqý oryndarynyń mynadaı túrlerinde: ulttyq zertteý, zertteý ýnıversıtetterinde, ulttyq joǵary oqý oryndarynda,ýnıversıtetterde, akademııalarda beriledi.2. Ulttyq zertteý ýnıversıteti, zertteý ýnıversıtetteriniń jáne ulttyq joǵary oqý oryndary qyzmetiniń tártibi
Paragraf 1. Ulttyq zertteý ýnıversıteti, zertteý ýnıversıtetteriniń jáne ulttyq joǵary oqý oryndary basqarý
3. Ulttyq zertteý ýnıversıtetterde, zertteý ýnıversıtetterde jáne ulttyq joǵary oqý oryndarynda basqarý Joǵary jáne joǵary oqý oryndary qyzmetiniń úlgilik qaǵıdalary týraly 2013 jylǵy 17 mamyrdaǵy № 499 Qazaqstan Respýblıkasy Úkimetiniń qaýlysynasáıkes júzege asyrylady. 4. UZÝ jáne ZÝ kúndizgi oqý nysany boıynsha derbes ázirlegen oqý baǵdarlamalaryn iske asyra alady, bilim alýshylar kontıngenti keminde 5000 adam sáıkestik bolǵan jaǵdaıda. 5. UJOO kásiptik oqý baǵdarlamalaryn 3000 adamnan az emes sáıkesti bilim alýshylar kontıngenti bolǵan jaǵdaıda ǵana júzege asyra alady. UZÝ, ZÝ jáne UJOO-da bilim alýshylar kontıngentiniń sandyq quramy bir oqytýshyǵa shaqqanda mamandyqtarǵa oraı kelesi normatıvterge sáıkes kelýi tıis: óner jáne mádenıet – 3,5:1; mýzyka jáne án salý – 6:1; shetel fılologııasy jáne aýdarma isi – 7:1; beıneleý óneri jáne syzý – 7:1. basqa barlyq mamandyqtar boıynsha: kúndizgi oqytý nysany úshin – 8:1; keshki nysan úshin – 16:1; syrtqy nysan úshin – 32:1; magıstratýrada – 4:1; doktorantýrada –3:1. 6. Akademııalyq aǵymnyń jáne toptyń tolymdylyǵynbilim berý uıymy ózi anyqtaıdy.Paragraf 2. Ulttyq zertteý ýnıversıteti, zertteý ýnıversıtetteriniń jáne ulttyq joǵary oqý oryndarynyńoqý-tárbıe qyzmeti
7. UZÝ, ZÝ jáne UJOO-ǵa bilim alýshylardy qabyldaý 2013 jylǵy 17 mamyrdaǵy № 499 Qazaqstan Respýblıkasy Úkimetiniń qaýlysymen bekitilgen joǵary jáne joǵary oqý ornynan keıingi bilim deńgeıindegi kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgilik qaǵıdalaryna sáıkes júrgiziledi. 8. UZ, ZÝ, UJOO joǵary jáne joǵary oqý ornynan keıingi bilimi bar kadrlar daıyndaý mazmuny men oqytý merzimderi boıynsha ártúrli bilim baǵdarlamalary boıynsha júrgiziledi. Kadrlar daıyndaý kúndizgi (4-5 jyl bakalavrıatta, 1-2 jyl magıstratýrada, 3 jyl doktorantýrada), oqytý nysandary boıynsha júzege asyrylady. 9. Bilim berýdiń quramynda mindetti túrde ǵylymnyń jáne ǵylymdy qajet etetin tehnologııalardyń ózekti problemaryna sáıkes bilim berý baǵdarlamalary, sondaı-aq ınnovasııalyq túrdegi bilim berý baǵdarlamalary qarastyrylýy tıis. 10. Ulttyq zertteý ýnıversıteti mamandyqtyń úlgilik oqý josparyna sáıkes konkýrstyq negizde bilim berý baǵdarlamalaryn jasaıdy. 11. Akademııalyq kúntizbe, mamandyqtardyń oqý jumys josparlary men professorlyq-oqytýshylyq quramynyń ortasha jyldyq pedagogıkalyq júktemesi JOO ǵylymı keńesiniń sheshimimen bekitiledi. 12. Dáris sabaqtaryn ótkizýge, stýdentterdiń dıplom jumystaryna (jobalaryna), ǵylymı-zertteý jumystaryna jetekshilik atqarýǵa professor, qaýymdastyrylǵan professor, (dosent), aǵa oqytýshy laýazymdaryn ıelengen oqytýshylar jiberiledi. Dıssertasııaǵa jetekshilik atqarýǵa ǵylymı dárejeleri jáne/nemese ǵylymı ataqtary bar oqytýshylar jiberiledi. 13. Ulttyq zertteý ýnıversıteti, Zertteý ýnıversıtetteriniń jáne Ulttyq joǵary oqý oryndarynyń oqý-ádistemelik jumysy: 1) akademııalyq kúntizbe, oqý jumysjosparlary men baǵdarlamalar ázirleýdi, elektıvtik pánder katalogyn, sıllabýstar,pánder men mamandyqtardyń oqý-ádistemelik keshenderin ázirleýdi; 2) oqý pánderin oqýlyqtarmen, oqý quraldarymen, esepter jınaǵymen, keshendi tapsyrmalarmen, zerthanalyq, baqylaý jáne kýrs jumystary boıynsha quraldarmen, pándi oqý boıynsha ádistemelik usynymdarmen, sondaı-aq aǵymdyq, mejelik jáne qorytyndy bilim baqylaýy, barlyq oqý nysandary boıynsha bilim alýshylardy qorytyndy attestattaý materıaldarymen oqý-ádistemelik qamtamasyz etýdi; 3) kásiptik praktıkalardyń, taǵylymdamalardyń, sondaı-aq dıplom jumystaryn (jobalaryn), magıstrlik jáne doktorlyq dıssertasııalardy jazý boıynsha ádistemelik quraldar ázirleýdi; 4) bilim alýshylardyń oqý materıalyn meńgerýin arttyratyn zamanaýı bilim tehnologııalary men oqytý ádisterin ázirleýdi; 5) izdeniske, taldaýǵa jáne qyzmet nátıjelerin qalyptastyrýǵa qabilettiligin damytýǵa baǵyttalǵan stýdentterdiń ózindik jumysyn oqý-ádistemelik qamtamasyz etýdi; 6) oqytýshylar men mamandardyń biliktiligin arttyrý jáne qaıta daıarlaý baǵdarlamalaryn ázirleýdi qamtıdy. 14. JOO-da oqý prosesi men ǵylymı-zertteý jumysyn qamtamasyz etý maqsatynda, oqý jáne mamandandyrylǵan zerthanalar qarastyrylǵan. Zerthana jabdyǵy zamanaýı jáne bakalavrlar, magıstrler jáne PhD doktorlar daıarlaýdyń baǵdarlamasyna balamaly bolýy tıis. 15. Tárbıe qyzmeti tárbıe jumysy boıynsha keshendi jospar negizinde iske asyrylady. 16. JOO tárbıe jumysyna: 1) bilim alýshylardyń boıynda óz betinshe sheshim qabyldaý men quzyretti júzege asyrý ıkemdilikterin qalyptastyrý; 2) bilim alýshylardyń boıynda patrıotızm, azamattylyq, ınternasıonalızm, joǵary moral men adamgershilikti qalyptastyrý; 3) bilim alýshylardy salaýatty ómir saltyna, qoǵamdyq is-sharalarǵa belsendi qatysýǵa yntalandyrý; 4) kafedra beıini boıynsha bilim alýshylardyń oı órisin keńeıtýge, tańdaǵan mamandyǵyna qundylyq qatynasty qalyptastyrýǵa yqpal etetin taqyryptyq is-sharalar ótkizý; 5) jalpy bilim beretin orta mektepter men kásiptik mektepterde, tehnıkalyq jáne kásiptik bilim berý uıymdarynda bilim alýshylardyń arasynda kásipke baǵdarlaý jumysyn júrgizý kiredi.Paragraf 3. Ulttyq zertteý ýnıversıteti, zertteý ýnıversıtetteriniń jáne ulttyq joǵary oqý oryndarynyń ǵylymı-zertteý qyzmeti
17. Ǵylymı-zertteý qyzmeti bilim men ǵylymnyń yqpaldasýyn qamtamasyz etýge, osy negizde ǵylymı-bilim berý prosesin ulttyq ınnovasııalyq júıeniń nátıjeliligi men tıimdiliginiń mańyzdy elementi retinde básekege qabiletti ǵylymı-zertteý jáne ınnovasııalyq qyzmetti damytýǵa baǵyttalǵan. 18. Irgeli, izdengishtik, qoldanbaly ǵylymı-zertteý, tájirıbelik-konstrýktorlyq jumystar men ınnovasııalyq qyzmetter (budan ári – ǵylymı-zertteý jumystary (ǴZJ)) JOO-nyń qurylymdyq bólimshelerinde júzege asyrylady. 19. Professorlyq-oqytýshylyq quramy jeke jumys josparyna sáıkes negizgi jumys kezeńinde óz qyzmetiniń mindetti quramdas bóligi retinde ǵylymı-zertteý jumysyn oryndaıdy. 20. Ǵylymı-zertteý jumysy tómendegilerden turady: irgeli, izdengishtik, qoldanbaly ǵylymı-zertteýshilik, tájirıbelik-konstrýktorlyq jáne ınnovasııalyq is-áreketterdi júrgizý; ǵylymı pedagogıkalyq qyzmetkerler men bilim alýshylardyń shyǵarmashylyq is-áreketi men ǵylymı-zertteýleri arqyly jańa bilimderdi alý; joǵary bilimdi damytýdyń teoretıkalyq jáne ádisnamalyq negizderin zertteý jáne ázirleý; JOO oqý prosesine oqytýdyń ınnovasııalyq tehnologııany ázirleý jáne engizý; ǵylymı-zertteýler nátıjelerin oqý prosesi men óndiriske engizý; jeke ǵylymı mektepti qalyptastyrý jáne damytý, ǵylymı-pedagogıkalyq qyzmetkerler men bilim alýshylardy ǵylymı-zertteý jumystaryna belsendi tartý; ǵylymı jańalyqtardy kommersıalızasııalaý jáne ǵylymı aýqymdy jáne básekege qabiletti tehnıka men tehnologııany transfertteý; zertteýshilermen ázirleýshilerdiń zııatkerlik menshigi men avtorlyq quqyǵyn qorǵaý; ınnovasııalyq is-áreket pen tartylǵan qarjyny paıdalaný esebinen zertteýler men jańalyqtardyń qarjylyq negizin keńeıtý; bilim alýshylardyń ǴZJ uıymdastyrý jáne jetekshilik jasaý. 21. UZÝ, ZÝ jáne UJOO ǵylymı qyzmeti maman daıarlaý úderisiniń qajetti quramdas bóligi bolyp tabylady. Oqý jáne ǵylymı jáne ınnovasııalyq prosesiniń birligi tómendegiler esebinen qamtamasyz etiledi: stýdentterdi QR respýblıkalyq bıýdjeti, basqa da bıýdjetter, bıýdjetten tys qarjylandyrý kózderi esebinen oryndalatyn ǵylymı-zertteýshilik jáne jobalyq-qurastyrýshylyq jumystarǵa qatysýǵa tartý; ǵylymı jáne ǵylymı-óndiristik bólimsheler bazasynda belsendi oqý jumysynyń áralýan túrlerin, dıplomdyq jáne kýrstyq jobalaýdy, oqý jáne óndiristik is-tájirıbeni, stýdentterdi baǵyttyq daıarlaýdy jáne maman daıarlaýdyń basqa da túrlerin júrgizý; oqý jáne ǵylymı prosesterdi kompıýterlendirý, birtutas aqparattyq ortany qalyptastyrý jáne stýdentterge ınformatıkanyń zamanaýı ádisteri men quraldaryn ıgertý. 22. UZÝ, ZÝ jáne UJOO-nyń halyqaralyq qyzmetijetekshi sheteldik ýnıversıtettermen yntymaqtastyq baǵdarlamasynyń, halyqaralyq bilim berý baǵdarlamalary men jobalaryn iske asyrý, birlesken ǵylymı-zertteý qyzmetin júzege asyrý, ǵylymı-praktıkalyq semınarlar men konferensııalar uıymdastyrý, oqytýshylyq kadrlarmen almasý jáne stýdenttik utqyrlyqty damytý sheńberinde júzege asyrylady.3. Ýnıversıtet qyzmetiniń tártibi
Paragraf 1. Ýnıversıtetti basqarý
23. Ýnıversıtetti basqarý Joǵary jáne joǵary oqý oryndary qyzmetiniń úlgilik qaǵıdalary týraly 2013 jylǵy 17 mamyrdaǵy № 499 Qazaqstan Respýblıkasy Úkimetiniń qaýlysyna sáıkes júzege asyrylady. 24. Ýnıversıtetti Qazaqstan Respýblıkasynyń qoldanystaǵy zańnamasyna sáıkes laýazymǵa taǵaıyndalatyn jáne laýazymnan bosatylatyn rektor tikeleı basqarady.Paragraf 2. Ýnıversıtettiń oqý-tárbıe qyzmeti
25. Ýnıversıtette bilim alýshylardy qabyldaý 2013 jylǵy 17 mamyrdaǵy № 499 Qazaqstan Respýblıkasy Úkimetiniń qaýlysymen bekitilgen joǵary jáne joǵary oqý ornynan keıingi bilim deńgeıindegi kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgilik qaǵıdalaryna sáıkes júrgiziledi. 26. Joǵary oqý oryndarynda joǵary jáne joǵary oqý ornynan keıingi bilimi bar kadrlar daıyndaý mazmuny men oqytý merzimderi boıynsha ártúrli bilim baǵdarlamalary boıynsha júrgiziledi. Kadrlar daıyndaý kúndizgi (4-5 jyl), keshki (5-6 jyl), syrtqy (5-6 jyl) oqytý nysandary boıynsha jáne eksternat, magıstratýra (1-2 jyl), doktorantýra (3 jyl) kúndizgi oqytý nysanynda júzege asyrylady. 27. Bilim alýshylardyń joǵary jáne joǵary oqý ornynan keıingi bilim berý baǵdarlamalaryn meńgerýi úshin barynsha qolaıly jaǵdaılar jasaı otyryp, ýnıversıtet oqytý nysandaryn, ádisteri men quraldaryn derbes anyqtaıdy. 28. Ýnıversıtette oqý prosesi men ǵylymı-zertteý jumysyn qamtamasyz etý maqsatynda, oqý jáne mamandandyrylǵan zerthanalar qarastyrylǵan. Zerthana jabdyǵy zamanaýı jáne bakalavrlar, magıstrler jáne PhD doktorlar daıarlaýdyń baǵdarlamasyna balamaly bolýy tıis. 29. Ýnıversıtettiń tárbıelik qyzmeti oqý prosesiniń quramdas bólimi bolyp tabylady jáne tulǵanyń kásibı, áleýmettik, zııatkerlik, adamgershilik, shyǵarmashylyq qasıetteri men salaýatty ómir saltyn qalyptastyrýǵa baǵyttalǵan. 30. Oqý jáne tárbıe qyzmeti bilim alýshylar men professorlyq-oqytýshylyq quramynyń adamgershilik qadir-qasıetti ózara qurmetteý negizinde júzege asyrylady. 31. Ýnıversıtettiń tárbıe qyzmeti tárbıe jumysy boıynsha keshendi jospar negizinde júzege asyrylady. 32. Ýnıversıtettiń tárbıe jumysyna: 1) bilim alýshylardyń boıynda óz betinshe sheshim qabyldaý men quzyretti júzege asyrý ıkemdilikterin qalyptastyrý; 2) bilim alýshylardyń boıynda patrıotızm, azamattylyq, ınternasıonalızm, joǵary moral men adamgershilikti qalyptastyrý; 3) bilim alýshylardy salaýatty ómir saltyna, qoǵamdyq is-sharalarǵa belsendi qatysýǵa yntalandyrý; 4) kafedra beıini boıynsha bilim alýshylardyń oı órisin keńeıtýge, tańdaǵan mamandyǵyna qundylyq qatynasty qalyptastyrýǵa yqpal etetin taqyryptyq is-sharalar ótkizý; 5) jalpy bilim beretin orta mektepter men kásiptik mektepterde, tehnıkalyq jáne kásiptik bilim berý uıymdarynda bilim alýshylardyń arasynda kásipke baǵdarlaý jumysyn júrgizý kiredi.4. Akademııa qyzmetiniń tártibi
33. Akademııa basqarý Joǵary jáne joǵary oqý oryndary qyzmetiniń úlgilik qaǵıdalary týraly 2013 jylǵy 17 mamyrdaǵy № 499 Qazaqstan Respýblıkasy Úkimetiniń qaýlysyna sáıkes júzege asyrylady. 34. Akademııa Qazaqstan Respýblıkasynyń qoldanystaǵy zańnamasyna sáıkes laýazymǵa taǵaıyndalatyn jáne laýazymnan bosatylatyn rektor tikeleı basqarady. 35. Akademııa qurylymyn ózi derbes anyqtaıdy jáne ǵylymı keńes sheshimimen jáne basshynyń buıryǵymen bekitiledi. Quqyq qorǵaý organdarynyń, arnaıy memlekettik organdarynyń jáne qorǵanys salasyndaǵy memlekettik organdarynyń joo qurylymy tıisti organmen anyqtalady. 36. Akademııa negizgi qyzmet baǵyttary, joo-ny basqarýdyń uıymdyq qurylymynda qurylymdyq bólimshege onyń mártebesin ákimshilik-quqyqtyq bekitý boıynsha negizgi talaptar anyqtalatyn qurylymdyq bólimsheler týraly erejelerdi derbes ázirleıdi jáne bekitedi. 37. Akademııalar kásiptik oqý baǵdarlamaryn 1000 adamnan az emes sáıkesti bilim alýshylar kontıngenti bolǵan jaǵdaıda ǵana júzege asyra alady. Ýnıversıtettiń kúndizgi jáne syrtqy oqý nysandaryndaǵy stýdentterdiń araqatynasy keminde 4:1 bolýy tıis. Osy rette, bilim alýshylardyń keltirilgen kontıngenti olardyń kúndizgi, keshki jáne syrtqy oqý nysandaryndaǵy sanyna qaraı anyqtalady. Kúndizgi oqý nysanynyń stýdentteri 1,0, keshki oqytý nysanynyń stýdentteri - 0,5 jáne syrtqy oqý nysanynyń stýdentteri - 0,25 koeffısentimen esepteledi. Bilim alýshylardyń kontıngenti bilim berý qyzmetine qoıylatyn biliktilik talaptaryna sáıkes bir bilim alýshyǵa shaqqandaǵy oqý alańynyń sanıtarlyq normalaryna saı kelýi tıis. Joǵary oqý oryndarynda bilim alýshylar kontıngentiniń sandyq quramy bir oqytýshyǵa shaqqanda mamandyqtarǵa oraı kelesi normatıvterge sáıkes kelýi tıis: óner jáne mádenıet – 3,5:1; mýzyka jáne án salý – 6:1; shetel fılologııasy jáne aýdarma isi – 7:1; beıneleý óneri jáne syzý – 7:1. basqa barlyq mamandyqtar boıynsha: kúndizgi oqytý nysany úshin – 8:1; keshki nysan úshin – 16:1; syrtqy nysan úshin – 32:1; magıstratýrada – 4:1; doktorantýrada –3:1. 38. Joǵary oqý oryndarynda akademııalyq toptyń tolymdylyǵy 20 adamdy, shaǵyn toptyń tolymdylyǵy – 10-15 adamdy quraıdy. Akademııalyq aǵyndy qalyptastyrýdy joǵary oqý orny derbes anyqtaıdy. Akademııalyq topty 70-100 adam mólsherinen asyrmaı qalyptastyrý usynylady. 39. Akademııada bilim alýshylardy qabyldaý 2013 jylǵy 17 mamyrdaǵy № 499 Qazaqstan Respýblıkasy Úkimetiniń qaýlysymen bekitilgen joǵary jáne joǵary oqý ornynan keıingi bilim deńgeıindegi kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgilik qaǵıdalaryna sáıkes júrgiziledi.
