Tergeý materıaldaryna sáıkes, 2007 jyly Pavlodar qalasynda Isınalıev kóshesindegi túngi klýbta oq atylǵan. Oqıǵa ornynda bir er adam qaıtys boldy. Al qylmysker qashyp ketken. Polıseıler ony biraz ýaqyt taba almady. Biraq izdestirý jumystaryn toqtatqan joq.
Sóıtse, 25 jastaǵy jigit kórshi Reseıge qashyp, aty-jónin ózgertken.
«Ol Reseı Federasııasynda óziniń jeke derekteri - tegi, aty jáne ákesiniń atyn tolyǵymen ózgertken. Soǵan qaramastan, qolǵa tústi», deıdi polıseıler.
Pavlodardyń tártip saqshylary Barnaýl qalasyndaǵy áriptesterimen birlese, adam óltirgeni úshin izdeýde bolǵan qylmyskerdi ustady.
Qazirgi kezde ony Barnaýl qalasynyń ýaqytsha ustaý ızolıatoryna qamap qoıdy. Qazaqstanǵa ekstradısııalaý sharalary bastaldy.
