«Allaǵa sansyz shúkirler bolsyn! 3-4 kún buryn búkil Qazaqstan halqyna tarıhı sát sanalatyn respýblıkalyq Konstıtýsııalyq referendým ótti. Memleket basshymyz halyqqa jańa, ádiletti Qazaqstandy quramyn dep úndeý tastap edi. Basym kópshilik adam qoldap daýys berdi. Iá, Jańa Qazaqstannyń negizgi maqsaty - ádiletti qoǵam qurý. Sol referendýmnyń artynan ádilettiliktiń alǵashqy nyshandary kórinip, Bilim jáne ǵylym mınıstri Ashat Aımaǵambetov mektepte, balıǵat jasyna tolǵan qyzdarǵa kımeshek kııýge ruqsat berilýi múmkin ekenin aıtty. Bul qazaq qyzdarynynyń, ana, ájelerimizdiń san ǵasyrlardan beri kıip kelgen kıimi.
Muny ádilettiliktiń belgisi sanaıtynym, búldirshindeı qyzdyń basyndaǵy bir japyraq oramalǵa bola daý týyndatyp, meıli, ol qyz mektepti úzdik baǵaǵa oqyp jatsa da, mektepte oǵan qysym jasalyp, psıhologııalyq soqqy alýyna septesip jatqan sheshimniń kúshi joıylǵaly jatyr.
Eger biz zaıyrly bolýdyń shyn maǵynasyn túsinsek, mektepterde búldirshinderimizdiń dinı-senimi talap etkenindeı kıinýine qarsy bolmas edik. О́ıtkeni zaıyrly memlekette árbir adamnyń din ustaný erkindigi bar, ol erkindikti memleket qorǵaıdy.
Biz qalaı qarasaq ta, balıǵat jasyna tolǵan qyzdardyń áýretin jabýy - Alla Taǵala Quranda buıyrǵan buıryq bolyp sanalady. Sondyqtan bul másele dinin bekem ustaıtyn árbi ata-anany beı-jaı qarata almaıdy.
Dúıim jurttyń ótinish-tilegin bas múftı Naýryzbaı Qajy Taǵanuly Memleket basshysyna jetkizip, Prezıdentimiz de eldegi dinine bekem, musylman jurtshylyǵynyń ótinishin qabyl alyp, osyndaı ádiletti sheshim qabyldap jatyr eken. Qýanyshymyz uzaǵynan bolǵaı!
Sóz sońynda aıtarym, erte me, kesh pe ádilet ornaıtyny aqıqat. Biraq sol ádiletti Memleket basshysyna jetkizgen múftıdiń de, ádiletti sheshim qabyldaǵan Memleket basshysynyń da aty tarıhta altyn áriptermen jazylyp, musylman jurtshylyǵy eshqashan umytpaıtyn bolady», deıdi Abdýlahad Smanov.
Eske sala keteıik, Bilim jáne ǵylym mınıstri Ashat Aımaǵambetov mektep jasyndaǵy oqýshylardyń hıdjap kııýi máselesi jaıly aıtqan bolatyn.
