Is-shara barysynda qazaq qoǵamyn boıamasyz beınelep, teńdesi joq asyl mura qaldyrǵan qazaq ádebıeti maıtalmanynyń ómir joly men jazýshylyq qyzmeti, shyǵarmashylyǵy haqynda keńinen áńgime qozǵalyp, ol týraly estelikter aıtyldy.
Kelesi kezekte kolledjdiń belsendi stýdentteri Janmeıirim Shalabaeva, Meıramgúl Esengeldınova, Talap Qılybaev, Izolda Bekbolatova Qasym Amanjolovtyń «Muhtar aǵa», Syrbaı Máýlenovtiń «Muqańa», Rasýl Ǵamzatovtyń «Muhtar aǵa» óleńderin naqyshyna keltirip oqydy. Sondaı-aq qazaqtyń uly jazýshysy, qoǵam qaıratkeri, ǵulama ǵalym, Qazaqstan Ǵylym akademııasynyń akademıgi, fılologııa ǵylymdarynyń doktory, professor, Qazaq KSR-iniń eńbek sińirgen ǵylym qaıratkeri M.Áýezovtiń qolynan shyqqan dúnıeleri men ol týraly jazylǵan estelik kitaptardan «Dáýirdiń dara tulǵasy» atty kitap kórmesi uıymdastyrylyp, kórmege kitaphana qyzmetkeri Aıǵanym Bekjan bıblıografııalyq sholý jasady.
Kesh barysynda kitaphana qyzmetkerleri stýdentterdiń shyǵarmashylyǵyn shyńdaý maqsatynda túrli saıystar, «Mıllıon kimge buıyrady?» oıynyn uıymdastyryp, stýdentter jazýshy jaıly arnaıy daıyndalǵan suraqtarǵa jedeldete jaýap berdi.
Atalǵan is-shara Muhtar Áýezovtiń shyǵarmashylyǵyn óskeleń urpaq júregine uıalatý arqyly olardyń ádebıetke degen qyzyǵýshylyǵyn arttyrýdy kózdedi.
Shyraılym QUDASOVA,
Saǵı Jıenbaev atyndaǵy oblystyq jasóspirimder kitaphanasynyń qyzmetkeri
AQTО́BE
