Sot Baýyrjan Ahmetovke 8 jylǵa bas bostandyǵynan aıyrý jazasyn taǵaıyndaǵan. Túsipbekov pen Sadyqov 7 jáne 6 jylǵa bas bostandyǵynan aıyryldy.
Elimizde birinshi basshy onyń tikeleı baǵynyshty tulǵasyna qatysty sottyń aıyptaý úkimi kúshine engennen soń, kúntizbelik 10 kún ishinde nemese aqtalmaıtyn negizder boıynsha qylmystyq is toqtatylǵannan keıin otstavkaǵa ketýge mindetti. Basshylardyń mundaı jaǵdaıǵa baılanysty qyzmetten ketýi de buǵan deıin de birneshe ret oryn alǵan jaǵdaı.
Sybaılas jemqorlyqqa qarsy is-qımyl agenttigi bul máselege qatysty A.Qańtarbaevtyń tikeleı basshy retindegi jaýapkershiligi týraly másele «Memlekettik qyzmet týraly» Zańnyń 60-babynyń 2-tarmaǵyna sáıkes aıyptaý úkimi zańdy kúshine engennen keıin qaralatynyn aıtyp otyr.
Al, Ekibastuz qalasynyń ákimi bolyp 2020 jyldyń 25 qyrkúıeginde taǵaıyndalǵan Ardaq Qańtarbaev óz erkimen ornyn bosatýǵa asyqpaıtyn sekildi.
