Búgingi Senat otyrysynda atalǵan zań jobasyn Qarjy naryǵyn retteý jáne damytý agenttiginiń tóraǵasy Mádına Ábilqasymova oqyǵan edi. Zań jobasynda Qazaqstannyń 5 kodeksine jáne 35 zańyna ózgerister engizý kózdeledi.
«Zań jobasy jańa ónimderdi engizý, qyzmetterdi odan ári sıfrlandyrý, tutynýshylar men ınvestorlardyń quqyǵyn qorǵaý sapasyn arttyrý arqyly saqtandyrý jáne bank sektorlaryn, sondaı-aq baǵaly qaǵazdar naryǵyn damytýǵa yqpal etedi. Ony talqylaý jáne ony ekinshi oqylymǵa daıyndaý barysynda mynadaı ózgerister men tolyqtyrýlar engizý qajettigi týyndady. Birinshiden, zań jobasy arqyly Azamattyq kodekske (Jalpy bólim) «qamtamasyz etý tólemi» uǵymy engiziledi, onda mindettemeler aqshamen nemese baǵaly qaǵazdarmen qamtamasyz etilgen. Shartty ádil oryndaǵan kezde ótemaqy tıisti mindettemeni oryndaý esepshotyna aýdarylýy nemese qaıtarylýy múmkin. Oǵan qaıtarý mehanızmi naqtylanatyn tolyqtyrý engizý usynylady», dedi Senat depýtaty Jeńis Nurǵalıev Senat otyrysynda.
Ekinshi tolyqtyrýda Zań jobasynda saqtandyrý ombýdsmeniniń sotqa deıingi retteýi kózdeledi. Bul rette zańdy tulǵalar qatysatyn daýlardyń, sondaı-aq talaptar somasy 10 myń AEK-ten asatyn daýlardyń edáýir bóligi saqtandyrý ombýdsmeniniń quzyretinen tys bolady.
Joǵaryda kórsetilgen shekteýdi alyp tastaý jáne barlyq saqtandyrý daýlary boıynsha zańda kózdelgen tártip pen sharttardyń saqtalýyn eskere otyryp, sotqa júginý quqyǵyn kózdeý usynylady.
«Úshinshiden, Zań jobasynda aksıonerlerdiń qoǵam qyzmeti týraly aqparat alý jónindegi quqyqtary reglamentteledi. Barlyq aksıonerler úshin teń jaǵdaı jasaý maqsatynda ótinish beriletin kúnge deıin 12 aıdan erte emes ýaqytta qoǵamnyń aksıoneri bolǵan adamdar úshin shekteýdi alyp tastaý usynylady. Tórtinshiden, Zań jobasynda kólik oqıǵasy kezinde saqtandyrý jaǵdaıyn retteýdiń jeńildetilgen tártibi kózdelgen. Jol-kólik apatyn saqtandyrý kompanııasynyń aqparattyq júıesi jáne derekter bazasyn qalyptastyrý men júrgizý jónindegi uıymnyń aqparattyq júıesi arqyly rásimdeý tártibin naqtylaý engiziledi», deıdi depýtat.
Besinshiden, zań jobasynda jeke tulǵalar bolyp sanalatyn qarjy naryǵynyń qatysýshylaryna (emıtentter, ınvestorlar) qatysty ýákiletti organnyń yqpal etý jáne qadaǵalaý sharalary kózdelgen. Qoldanystaǵy redaksııada bul ereje atalǵan sharalardy tek zańdy tulǵalarǵa qoldanýdy qarastyrdy. Jeke tulǵalarǵa shekteýli yqpal etý sharalaryn, qadaǵalaý sharalaryn qoldaný tártibin aıqyndaý bóliginde ýákiletti organ basqarmasynyń ókilettikterine tıisti ózgerister engizý usynylady.
«Altynshy túzetý qoldanystaǵy «Memlekettik bilim berý jınaqtaý júıesi týraly» zańda salymshy 3 jyl ótken soń oqýdan shyǵarylǵan jaǵdaıda memlekettiń syılyqaqyny qaıtaryp alýyn kózdeıdi. Salymshy oqýdan shyǵarylǵannan keıin 3 jylda bilim berý uıymyna qaıta qabyldanǵan ne basqa uıymǵa oqýǵa túsken jaǵdaılarda eseptelgen syılyqaqyny qaıtarý mindetinen bosatylatyndaı túzetý usynamyz.
Budan basqa zań normalaryn qoldanysqa engizýdi kózdeıtin 2-bapqa ózgerister engizý qajet. Baıandalǵandy eskere otyryp, QR Konstıtýsııasynyń 61-babynyń 5-tarmaǵyna sáıkes, Qarjy jáne bıýdjet komıteti Parlament Májilisine «Qazaqstan Respýblıkasynyń keıbir zańnamalyq aktilerine saqtandyrý naryǵyn jáne baǵaly qaǵazdar naryǵyn retteý men damytý, bank qyzmeti máseleleri boıynsha ózgerister men tolyqtyrýlar engizý týraly» QR Zańy jobasyna ózgerister men tolyqtyrýlar jiberýdi usynady», dedi Jeńis Nurǵalıev.
О́z kezeginde Senat tóraǵasy Máýlen Áshimbaev bul zań jobasy saqtandyrý men baǵaly qaǵazdar naryǵyn jáne bank qyzmeti salasyn retteıtin zańnamalyq bazany odan ári jetildirýdi kózdeıtinin aıtty. «Soǵan baılanysty, zań jobasynda osy salada jańa ónimderdi engizý, jekelegen talaptardy ońtaılandyrý jáne qyzmetterdi sıfrlandyrý sııaqty normalar qarastyrylǵan. Tutynýshylar men ınvestorlardyń quqyqtaryn qorǵaý sapasyn odan ári arttyrýǵa arnalǵan qosymsha tetikter de bar. Sonymen qatar Senat zań jobasynyń keıbir normalaryn qaıta qaraýdy usynyp otyr. Bul túzetýler zań jobasyndaǵy jekelegen quqyqtyq tetikterdi jetildirýge baǵyttalǵan. Zań jobasy qabyldanǵannan keıin otandyq saqtandyrý júıesiniń, baǵaly qaǵazdar naryǵynyń jáne bank qyzmetiniń damýy úshin qolaıly orta qalyptastyrýǵa oń yqpal etedi dep senemiz», dedi Máýlen Áshimbaev.
