Qazaqstan • 10 Maýsym, 2022

Qazaqstanda áskerı doktrına ózgeredi

14676 ret kórsetildi

QR Qorǵanys mınıstrligi Qazaqstan Respýblıkasynyń Áskerı doktrınasyna ózgerister daıyndady, dep habarlaıdy Egemen.kz.

Qorǵanys mınıstrliginiń málimetinshe, irgeli qujatty jańa shyndyqqa beıimdeýge baǵyttalǵan qazirgi Áskerı doktrına qaıta júktelýde.

Atap aıtqanda, doktrına «daǵdarys jaǵdaıy» túsinigin engizedi – el aýmaǵynda nemese onyń jekelegen aımaqtarynda áleýmettik, tótenshe jaǵdaılardyń týyndaýyna baılanysty memlekettiń qalypty jumys isteýiniń buzylýymen baılanysty jaǵdaı.

Sonymen qatar rezervte áskerı qyzmet ótkerý qarastyrylǵan. Bul áskerı daıyndyqtan jáne zapastaǵy jaýyngerlerdi arnaıy daıarlaýdan turatyn áskerı qyzmettiń erekshe túri ekeni aıtylady.

Sondaı-aq Qazaqstan Respýblıkasyna áskerı qaýip tóndirýi múmkin negizgi jaǵdaılarǵa qatysty tarmaq qosyldy.

Bulardy: halyqaralyq qatynastardyń jalpy kúrdelenýi aıasynda jahandyq jáne aımaqtyq deńgeıde ekonomıkalyq jáne saıası yqpal etý salalaryn keńeıtý maqsatynda álemdik jáne aımaqtyq derjavalar arasyndaǵy shıelenistiń kúsheıýi retinde qarastyrý usynylady.

Sondaı-aq áskerı qaýip týdyrýy múmkin jaǵdaılar qarastyrylady:

aqparattyq-nasıhattyq is-sharalardy, atap aıtqanda, memlekettegi jaǵdaıdy turaqsyzdandyrýǵa, halyqaralyq arenada jaǵymsyz fon jasaýǵa baǵyttalǵan aqparattyq operasııalardy (kıbershabýyldar) júrgizý;

respýblıkanyń jáne shektes memleketterdiń aýmaǵynda destrýktıvti elementterdi jasyryn daıyndaý;

ǵarysh keńistiginde basymdyq úshin kúrestiń kúsheıýi;

shekara qaýipsizdigine áser etetin Memlekettik shekaradaǵy jaǵdaı.

Sonymen qatar áskerı aqparattandyrý obektilerinde zamanaýı proaktıvti aqparatty qorǵaý júıesin qalyptastyrýǵa baǵyttalǵan tehnıkalyq jáne kadrlyq áleýetti damytý boıynsha júıeli jumys júrgizý josparlanýda.

Qujat Ashyq NQA veb-saıtynda 24 maýsymǵa deıin ornalastyrylǵan.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar