Semeıge jumys saparymen kelgen Prezıdent Ákimshiliginiń Basshysy Murat Nurtileý óńirdiń barlyq deńgeıdegi máslıhattarynyń jıynyna qatysyp, Abaı oblysynyń ákimi laýazymyna Uranhaev Nurlan Telmanuly men Smaıylov Ashat Saıdahmetulynyń kandıdatýralaryn usyný týraly Memleket basshysynyń hatyn oqyp berdi.
Nátıjesinde, 25 depýtat A.Smaıylovty qoldasa, 89 depýtat N.Uranhaevty qoldaǵan. Kópshiliktiń qoldaýymen 11 maýsym kúni Nurlan Telmanuly Abaı oblysynyń ákimi laýazymyna taǵaıyndaldy. Tıisti Jarlyqqa Prezıdent Qasym-Jomart Toqaev qol qoıdy.
Abaı oblysynyń tuńǵysh ákimi Nurlan Uranhaev 1987 jyly V.I.Lenın atyndaǵy Qazaq polıtehnıkalyq ınstıtýtynda ınjener-mehanık, 2001 jyly Qazaq qarjy-ekonomıkalyq ınstıtýtynda ekonomıst-menedjer, 2006 jyly Shyǵys Qazaqstan memlekettik tehnıkalyq ýnıversıtetinde ınjener-qurylysshy mamandyǵy boıynsha támamdaǵan. Keıingi jyldary Semeı qalasynyń «Kazpromtehmontaj» kásipornynda master, prorab bolyp jumys istegen. Ár jyldary Semeı qalasyndaǵy «Sary-Arqa» AО́K basshysy, «Kazırkýtskles» AOZT bas dırektory, Shyǵys Qazaqstan oblysy energetıka, turǵyn úı-kommýnaldyq sharýashylyq, qurylys jáne kólik basqarmasynyń basshysy, Shyǵys Qazaqstan oblysy kúrdeli qurylys basqarmasynyń bastyǵy, Shyǵys Qazaqstan oblysy ákiminiń orynbasary, Astana qalasynyń TJM memlekettik materıaldyq rezervi komıtetiniń tóraǵasy, Qazaqstan Respýblıkasy Prezıdent Ákimshiliginde memlekettik ınspektor, «Ertis» ÁKK basqarma basshysynyń orynbasary, Qyzylorda oblysy ákiminiń orynbasary, Semeı qalasy gýmanıtarlyq zań ýnıversıteti prezıdenti keńesshisi, Qazaqstan Respýblıkasy tutynýshylardyń quqyqtaryn qorǵaý agenttigi tóraǵasynyń orynbasary, Ulttyq ekonomıka mınıstrliginiń «QazQSǴZJI» AQ bas dırektory, Almaty qalasy sáýlet jáne qala qurylysy basqarmasynyń basshysy qyzmetterin atqarǵan.
Búginge deıin Nur-Sultan qalasynyń sáýlet, qala qurylysy jáne jer qatynastary basqarmasynyń basshysy bolyp qyzmet atqarǵan.
Abaı oblysy
