«Qazaqstan» telearnasy qaraqshylyq jasaǵan úsh adamnyń 5 jyl merzimge sottalǵany jaıly aqparat taratty.
Tergeý barysynda belgili bolǵandaı olar fermanyń qorshaýyn buzyp ótip, krıptovalıýtalardy jınaýǵa arnalǵan 46 jabdyqty bólshektep alyp shyqqan. Alaıda, kóp uzamaı beınebaqylaý kamerasyna túsip qalǵan kóligi arqyly tabyldy. Qylmystyq toptyń bir múshesi maınıngtik fermaǵa buǵan deıin elektrık retinde barǵany jáne dál osy azamattyń qylmysty uıymdastyrǵany belgili boldy. Kúdiktiler kinásin tolyq moıyndap, jábirlenýshige keltirilgen zalaldy ótep berdi.
Al maınıngtik fermany júrgizý deregi boıynsha materıaldar Ekonomıkalyq tergeý departamentine jiberildi.
