«Endi bıobazalaý aıaqtalady. Bıologııalyq negizden keıin kıikterdiń sanyn retteýge naqty lımıtter belgilenedi. Retteý sharalarynyń ishinde bul janýardy atý da bar. Qaıtalap aıtamyn - bul tek bıologııalyq ǵylymı negizdemede jasalady. Lımıtter qatań túrde saqtalady», dedi mınıstr Májilis kýlýarynda.
Onyń aıtýynsha, qazir bul másele jan-jaqty qarastyrylyp jatyr. Jańadan qurylǵan jumys tobyna barlyq múddeli memlekettik organdardyń, Bas prokýratýranyń, IIM ókilderi kiredi.
«Biz brakonerlikti zańdastyrýǵa jol bermeý úshin barlyq jumysty jasap jatyrmyz. Barlyq máseleler jan-jaqty qarastyrylady. Meniń oıymsha, naqty sheshim qabyldanady», dep qosty ol.
Sondaı-aq mınıstr bıoqorǵaý Qazaqstannyń barlyq aýmaǵyna, sonyń ishinde Betpaqdala, Ústirt jáne Oral popýlıasııalary úshin taralatynyn atap ótti.
«Biz aqbókender popýlıasııasyn saqtap qaldyq. Biz qoldan kelgenniń bárin jasadyq. Endi bul popýlıasııany retteıtin ýaqyt keldi», dedi Serikqalı Brekeshev sóz sońynda.
