Qalalyq PD Tergeý basqarmasynyń bastyǵy Dáýletkeldi Abdramanov olardyń ekeýi Almatyda páter jaldap turǵanyn, al úshinshisi olarǵa qonaqqa kelgenin atap ótti.
Qarý-jaraq dúkeni turǵyn úıdiń birinshi qabatynda ornalasqan, al jas jigitter jaǵdaıdy paıdalanyp, urlyq jasaýǵa sheshim qabyldady.
Polısııa derekterine qaraǵanda, jigitter kózge túsken barlyq qarýdy urlap, Shymkentke qasha jóneldi.
Olar «Saıga» ańshylyq myltyǵynyń 2 danasy men 70 patrondy satsa, tırge arnalǵan myltyqty ózderine qaldyrǵan.
«Derek QR QK-niń 291-baby «Qarý urlaý» boıynsha SDTBT-de tirkeldi. Kúdiktilerdiń úsheýi de Túrkistan oblysynyń turǵyndary. Qazir olar qamaýda», dedi Dáýletkeldi Ábdiramanov.
Departamenttiń bas tergeýshisi zańsyz saqtalǵan qarýdy, oq-dárilerdi jáne jarylǵysh zattardy óz erkimen tapsyrǵan adamdardyń is-áreketterinde ózge qylmystar bolmasa, qylmystyq jáne ákimshilik jaýapkershilikten bosatylatynyn atap ótti.
