«16 maýsym kúni saǵat 09:00-degi jaǵdaıǵa sáıkes tamaqtan ýlanýdyń taǵy 7 deregi tirkelip, naýqastardyń jalpy sany 98-ge jetti», delingen Nur-Sultan qalalyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Eske sala ketsek, 9-10 maýsymda departamenttiń aýdandyq basqarmalaryna qala aýrýhanalarynan taǵamnan ýlaný jaǵdaıy tirkelgeni týraly shuǵyl habarlama túsken edi.
Naýqastardyń barlyǵy bir aýyzdan bul jaǵdaı elordanyń qoǵamdyq tamaqtaný oryndarynyń birinde tamaq jegennen keıin bolǵanyn aıtady. Dál sol ýaqytta 64 naýqas medısınalyq kómekke júgingeni belgili boldy. Onyń 52-si aýrýhanaǵa jatqyzylsa, 12-si ambýlatorııalyq em alǵan.
