Aýyl sharýashylyǵyn damytý aýanyndaǵy áńgime

Parlament Senaty Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń uıymdastyrýymen «Qazaqstan Respýblıkasynda kooperasııa máselelerin zańnamalyq turǵydan jetildirý» taqyrybyna arnalǵan dóńgelek ústel otyrysy boldy, dep habarlady Senattyń baspasóz qyzmeti. Sharaǵa Senat depýtattary, aýyl sharýashylyǵy, qorshaǵan orta jáne sý resýrstary, ádilet, óńirlik damý mınıstrlikteriniń, úkimettik emes jáne halyqaralyq uıymdardyń ókilderi, belgili ǵa­lymdar men fermerler qatysty. Quttyqtaý kóz sóılegen Par­lament Senaty Tóraǵasynyń orynbasary Qaırat Ishanov Qazaqstan Prezıdenti Nursultan Nazarbaevtyń «Qazaqstan-2050» Strategııasynda aýyl sharýa­shy­lyǵyn aýqymdy jańǵyrtý jónin­degi alǵa qoıǵan mindetterine nazar aýdardy. Q.Ishanov agrarlyq keshen aldynda álemdik azyq-túlik naryǵynda jahandyq turǵydaǵy orynǵa ıe bolý, qojalyqtar men aýyl sharýashylyǵynda óńdeýshi shaǵyn jáne orta bıznesti damytý, sondaı-aq, 2050 jyly eli­miz­diń Ishki jalpy óniminde aýyl sha­rýa­shylyǵynyń úlesin 5 ese ul­ǵaıtý maqsaty turǵanyn atap ótti. «Jalpy alǵanda, agro­óner­kásip keshenin qazirgi álemdik ja­han­daný jaǵdaıynda damytý máseleleri zańnamalyq, ekono­mıkalyq jáne qarjylandyrý tetikteriniń jan-jaqty, úılesimdi qoldanylýyn talap etedi, bul rette memlekettik organdar men ár-túrli qoǵamdyq uıymdardyń ózara birlesken is-qımyly qajet­tiligin atap aıtqym keledi», dedi Tóraǵa orynbasary. Agrarlyq máseleler, tabı­ǵat­ty paıdalaný jáne aýyldyq aýmaqtardy damytý komıtetiniń tóraǵasy Sergeı Kýlagın «Aýyl sharýashylyǵy kooperasııasy týraly» biryńǵaı zań ázirleý qajettigine nazar aýdardy. Talqylaý barysynda dóń­gelek ústelge qatysýshylar Qazaq­stan Respýblıkasynda koopera­sııa máselelerin zańnamalyq tur­ǵyda jetildirý usaq aýyl sharýa­shylyǵy ónimderin óndirýshiler men fermerdiń múddelerine oraı ýaqytynda kóterilip otyrǵanyn jáne qajet ekendigin atap ótti. Senatorlar osy saladaǵy zań shy­ǵarý jónindegi óz oılaryn ortaǵa saldy. Dóńgelek ústel otyrysy barysynda aıtylǵan usynystar Úkimetke joldanatyn boldy.