Nur-Sultan ýaqytymen saǵat 11:06-daǵy jaǵdaı boıynsha Brent markaly munaıdyń tamyz fıýchersteriniń baǵasy barreline 0,3%-ǵa ósip, 118,87 dollar boldy. WTI markaly munaıdyń shilde aıyndaǵy fıýchersteriniń baǵasy 0,45%-ǵa ósip, 115,83 dollarǵa jetti.
Munaıdy jetkizýge qatysty alańdaýshylyq Reseıdiń energetıkalyq sektoryna qarsy sanksııalar men Qytaı tarapynan suranystyń joǵary bolýy múmkin degen boljamǵa baılanysty týyp otyr. Qytaı – munaıdy kóp mólsherde tutynýshy ári ımporttaýshynyń biri. Bul munaı baǵasynyń negizgi qoldaýy bolyp qala beredi.
Brent 25 sáýirden bastap barreline 100 dollardandan túsken joq.
Aıana Toǵanbek
