Búginde Uly Otan soǵysynyń barlyq ardageri erekshe baqylaýda. Olarǵa dáriger bekitilgen, olar aı saıyn úılerine kelip, tekserýden ótedi.
Degenmen dárigerler megapolıstegi barlyq zeınetkerdi ázirshe teksere almaıdy. О́ıtkeni kóptegen memlekettik emhanalar júktemesi kóp.
Medeý aýdanynyń turǵyndarymen kezdesýinde qala ákimine tis dárigerine qaralýdy eń bolmaǵanda Ekinshi dúnıejúzilik soǵys ardagerleri men olarǵa teńestirilgen tulǵalar úshin qoljetimdi etý týraly usynys tústi.
«Ár emhanada stomatologııany uıymdastyrý ońaı emes. Biz kabınetterdi jabdyqtaý bylaı tursyn, belgili bir toptaǵy adamdarǵa turaqty jumysqa tis dárigerin jaldaı almaımyz. Áńgimelesýge tyrysaıyq, bálkim, biz barlyq stomatologııalyq ınstıtýtqa Ekinshi dúnıejúzilik soǵys ardagerleri men olarǵa teńestirilgen tulǵalardy qoldaý úshin qosymsha tapsyrys beremiz. Menińshe, olardyń jalaqysyn tóleýge múmkindigimiz bar, olar ardagerlerge belgili kúnder men saǵattarda qyzmet kórsetedi. Men jeke nusqaý beremin, ony bir aıda anyqtap, shemasyn bere alamyz dep oılaımyn», dedi qala basshysy.
Qazir mindetti áleýmettik medısınalyq saqtandyrý aıasynda Ekinshi dúnıejúzilik soǵysqa qatysýshylar men olarǵa teńestirilgen tulǵalar, I, II, III toptaǵy múgedektigi barlar, zeınetkerler tek tótenshe jaǵdaılarda ǵana tegin stomatologııalyq kómek ala alady.
