Búgingi tańda ishki ister organdary tergeýshileriniń óndirisinde 56 kúdiktige qatysty 553 qylmystyq is bar.
«Jeke basyn, sıpattaıtyn derekterdi jáne jasalǵan qylmysqa qatystylyǵyn eskere otyryp, ishki ister organdary boıynsha 255 kúdikti qamaýdan bosatyldy, olarǵa qatysty qoǵamnan oqshaýlaýmen baılanysty emes bultartpaý sharalary tańdaldy. Odan basqa sottyń úkimi boıynsha 332 sottalýshy qamaýtan bosatyldy», dep atap ótti Sanjar Ádilov.
Ol búgingi tańda óndiristegi qylmystyq ister boıynsha 14 adamnyń qamaýda otyrǵanyn aıtty. Onyń ishinde Almaty qalasy boıynsha – 8, Almaty oblysy – 3 jáne Jambyl oblysy boıynsha 3 adam aýyr qylmystardy jasady degen kúdikke ilingen.
«Ishki ister organdarynyń tergeýshileri 565 aıyptalýshyǵa qatysty 344 qylmystyq isti aıyptaý aktisin sotqa joldady. Ondaı isterdiń negizgi bóligin bótenniń múlkin urlaý jónindegi ister quraıdy – 257, qarýdy zańsyz saqtaý – 37, qarýdy urlaý – 18, aıdap ketý – 5 jáne t.b. qurap otyr», dedi S.Ádilov.
Onyń aıtýynsha, sottar 382 adamdy sottady, onyń ishinde 46 adam bas bostandyǵynan aıyrýǵa sottaldy, osy adamdar buryn sottalǵan jáne kinásin moıyndamaǵan, keltirilgen zalaldy ótemegen.
