Atap aıtqanda, «Quqyq qorǵaý qyzmeti týraly» Zańǵa sáıkes 35 jastan asqan azamattardy oqýǵa qabyldaýǵa shekteý engiziledi.
IIM arnaýly oqý oryndaryna qysqartylǵan oqý merzimi bar bilim berý baǵdarlamalary boıynsha kúndizgi oqýǵa daıarlaýdyń zańdy baǵyttary boıynsha joǵary bilimi bar adamdardy qospaǵanda, joǵary bilimi bar QR azamattary qabyldanady.
IIM arnaýly oqý oryndaryna qysqartylǵan merzimdi bilim berý baǵdarlamalary boıynsha qashyqtan oqytýǵa daıarlaýdyń zańdy baǵyttary boıynsha joǵary bilimi bar adamdardy qospaǵanda, tehnıkalyq jáne kásiptik, orta bilimnen keıingi nemese joǵary bilimi bar ishki ister organdarynyń qyzmetkerleri men áskerı qyzmetshileri qabyldanady.
Konkýrstyq irikteý kezeńderin júıeleý úshin tolyqtyrý engiziledi, oǵan sáıkes arnaýly oqý oryndaryna oqýǵa kandıdattardy qabyldaý konkýrstyq negizde tórt kezeńde júrgiziledi:
1 - kezeń: ÁDS qaǵıdalaryna sáıkes oqýǵa kandıdattardy túpkilikti medısınalyq kýálandyrý;
2 - kezeń: Kandıdattardy dene shynyqtyrý kórsetkishteri boıynsha irikteý;
3 - kezeń: Kandıdattardy kásibı irikteý;
4-kezeń: Konkýrstyq irikteý jáne arnaıy oqý ornyna qabyldaý.
Irikteýdiń jańa kezeńderiniń engizilýine baılanysty qabyldaý komıssııasynyń jumys tártibine naqtylaýshy túzetý engiziledi.
Sonymen qatar, bakalavrıat baǵdarlamasy boıynsha oqýǵa úmitkerlerdi sapaly irikteý úshin irikteýdiń qosymsha kezeńderin qamtıtyn jańa format engiziledi: esse jazý, áńgimelesýden ótý, IQ-test, sondaı-aq jeke tulǵanyń psıhologııalyq tıpin anyqtaýǵa testileý.
IIM-de aıtylǵandaı, bul kandıdattyń oı-pikirin logıkalyq jáne dáleldi túrde baıandaý daǵdylaryn, zııatkerlik qabiletterin, ýájdemesin, kóshbasshylyq áleýetin, oılaý mádenıeti men kommýnıkatıvtik daǵdylaryn meńgerý deńgeıin anyqtaýǵa múmkindik beredi.
Irikteýdiń jańa kezeńderiniń engizilýine baılanysty esse jazý men áńgimelesýden ótý nátıjelerin qabyldaý komıssııasy tóraǵasynyń buıryǵymen qurylatyn arnaıy komıssııalar baǵalaıtyn bolady.
Kandıdattardy oqýǵa qabyldaý týraly sheshimdi túpkilikti medısınalyq tekserý nátıjeleri, dene shynyqtyrý daıarlyǵy boıynsha normatıvterdi tapsyrý jáne qorytyndylaý arqyly alynǵan jalpy ball negizinde qabyldaý usynylady: UBT baldary, esse, áńgimelesý nátıjeleri.
Qujat «Ashyq NQA» saıtynda 4 shildege deıin ornalastyrylǵan.
