Álıhan Smaıylov óz sózinde búginde álemdik saýdanyń eleýli ózgeristerge ushyrap otyrǵanyn atap ótti.
«Shıelenistiń kúsheıýi, pandemııa daǵdarysy, jahandyq saýda-sattyq jáne logıstıkalyq baılanystardyń úzilýi, gıperınflıasııa bizdiń elderdegi taýar óndirýshilerge de, qyzmet kórsetýshilerge de keri áserin tıgizdi. Ereksheligi sol, daǵdarys aýyrtpalyǵy shaǵyn, orta jáne iri bıznes nysandarynyń barlyǵyna da túsip otyr», dedi QR Premer-Mınıstri.
Qazaqstan Úkimeti basshysynyń pikirinshe, qazirgideı qıyn-qystaý jaǵdaıda óńirlik birlestikter týyndaǵan problemalardy sheshýde jetekshi ról atqarady.
Ol jańa kólik arterııalaryn qurý jáne damytý jolymen Eýropa men Azııanyń júkterin EAEO elderine tasymaldaý jáne sol elderdiń aýmaǵy arqyly tasymaldaý ýaqytyn qysqartý men jeńildetýdiń mańyzdylyǵyn erekshe atap ótti.
«Jańa jaǵdaı» Eýrazııalyq ekonomıkalyq odaq qyzmetin transformasııalaýdy qajet etedi», degen Álıhan Smaıylov bul baǵyttaǵy basym mindetterdi atap kórsetti.
QR Premer-Mınıstriniń aıtýynsha, EAEO óńiriniń bıznesti damytý úshin áleýeti zor, alaıda buǵan kóbinese kelisim-sharttyq bazanyń jetilmegendigimen jáne eldik proteksıonızmmen baılanysty kedergiler bóget jasap otyr.
«Ekonomıkalyq birlestiktiń jetistigi onyń barlyq músheleriniń is-áreketine baılanysty. О́zderińiz biletindeı, qandaı da bir kedergiler tosqaýyldyń týyndaýyna sebep bolady. Memleketterimizdiń ekonomıkasynyń ósýi men azamattardyń ál-aýqatyn arttyrýdyń mańyzdy sharty bolatyn erkin naryqty qamtamasyz etýde kúsh-jigerdi biriktirýimiz qajet», dedi QR Úkimetiniń basshysy.
Sondaı-aq quramdas buıymdardy, shıkizatty jáne daıyn ónimderdi jetkizýdegi irkilister ónerkásip kooperasııasynyń jetkiliksiz deńgeıde ekenin kórsetip berdi.
«Is júzinde ónerkásiptiń barlyq salalarynda – mashına jasaý men joǵary tehnologııalyq salalardan bastap tamaq ónimderi men medısınalyq buıymdar óndirisine deıin naqty kooperasııalyq jobalar qajet. Innovasııalyq jáne básekege qabiletti ónim jasaý úshin naqty jobalarǵa kóńil bólýdi usynamyn», dedi Álıhan Smaıylov.
Sonymen qatar QR Premer-Mınıstri qazaqstandyq bıznes úshin asa mańyzdy máselelerdiń biri EAEO-nyń barlyq aýmaǵy boıynsha kedergisiz tranzıtti qamtamasyz etý ekenin atap ótti. Osyǵan baılanysty ol áriptesterin jedeldetilgen jáne ońaılatylǵan tranzıtti, onyń ishinde sıfrlyq tehnologııalardy paıdalana otyryp qamtamasyz etý máselesinde neǵurlym ıkemdi jáne syndarly bolýǵa shaqyrdy.
«EAEO músheleri Birlestiktiń negizgi qaǵıdattaryna beriktigin saqtaǵan jaǵdaıda, qazirgideı kúrdeli kezeńde eýrazııalyq ekonomıkalyq ıntegrasııanyń barlyq qatysýshylary úshin tıimdi bolatynyna senimdimin. Bul rette barlyq elderge tıimdi bolatyn damý jolyna túsýi úshin ulttyq múddeler men ıntegrasııalyq prosester arasyndaǵy teńgerimdi tabý qajet», dep túıindedi Á.Smaıylov.
