«Asyl tuqymdy mal sharýashylyǵyn damytýdy, mal sharýashylyǵynyń ónimdiligin jáne ónim sapasyn arttyrýdy sýbsıdııalaý qaǵıdasyna taǵamdyq jumyrtqany sýbsıdııalaýdy qosý týraly ózgerister men tolyqtyrýlar engizildi», delingen habarlamada.
Qaǵıda 2022 jyldyń 30 maýsymynda resmı jarııalanǵannan keıin, 10 kúntizbelik kún ótken soń qoldanysqa engiziledi.
Osylaısha, otandyq jumyrtqa baǵytyndaǵy qus fabrıkalary 1 shildeden bastap bir jumyrtqa úshin 3 teńge mólsherinde sýbsıdııa alýǵa ótinim bere alady.
Bıyl taǵamdyq jumyrtqany sýbsıdııalaýǵa respýblıkalyq bıýdjetten 6,5 mıllıard teńge bólindi.
2021 jyly jumyrtqa qus sharýashylyǵyn qoldaýǵa 4,3 mıllıard teńge baǵyttaldy.
2022 jylǵy 1 mamyrdaǵy jaǵdaı boıynsha ótken jyldyń sáıkes kezeńimen salystyrǵanda Qazaqstanda qus sany 3,7% – 47,1 mıllıon basqa deıin ósti.
Taýyq jumyrtqasynyń óndirisi 12,1% artyp, 1559,5 mıllıon danany qurady.
Ishki naryq taǵamdyq jumyrtqamen 100% qamtamasyz etiledi.
