Imandylyqty nasıhattaǵan Isabek ıshannyń esimi alysqa taraǵan. HIH ǵasyrda Aqkól Jaıylmany dinı ortalyqqa aınaldyryp, tóńiregine izgiliktiń shýaǵyn taratqany aqıqat. Máshhúr Júsiptiń ózi Isabek ıshannan tálim alǵanyn bireý bilse, bireý bilmes. Máshekeń Isabek ıshanǵa shyǵarǵan joqtaýynda ustazynyń bilimin, ádildigin, shynshyldyǵyn, kórkem minezin, dindi nasıhattaýdaǵy eńbegin erekshelep, ıshannan birshama ǵylym negizderin úırengenin jetkizedi. Máshhúr Júsiptiń joqtaýy 85 shýmaqtan, 340 joldan turady.
Kez kelgen iri sharýanyń basy-qasynda belsendi uıymdastyrýshy júretini belgili. Qarajatty retteý bylaı tursyn, eń aqyry jumyskerlerdiń as-sýy da sonyń moınynda. Jaýapkershiligi mol mıssııany Isabek ıshannyń urpaǵy, kásipker Manat Alǵambarov amanat qylyp arqalapty. Jańadan qurylǵan Isabek ıshan atyndaǵy qordyń tóraǵasy da ózi. Ázirge qorǵa qarajat aýdaryp jatqan qaltalylar kóp emes. Qarapaıym turǵyndar da shama-sharqynsha úles qosýda. Qonaq úıdiń qurylysy toqtap qalmasyn degen nıetpen «Tabys» sharýashylyǵyn basqaratyn Manat Alǵambarov jeke qarajatyn jumsap júrgenin de aıtý kerek.
Ekibastuz qalasynyń ákimi bastap, ózge de rýhty azamattar qoshtap, qańtar aıynan beri qonaqúı jobasy júzege asýda. Alǵashqylardyń biri bolyp aǵaıyndy Tasbolat pen Bekbolat Ábýǵojınovtar 120 myń kirpish berdi. «Bogatyr Akses Kómir» kompanııasy jalpy quny 8,5 mıllıon teńgeniń qurylys materıaldarymen qamtamasyz etti. GRES-1 stansasynyń basshylyǵy qorǵa 2 mln teńge aýdardy. «Aıdabol» fırmasynyń basshysy Qaırat Ibraev 1 mln teńge bóldi. Qordyń jumysyn jandandyryp, kesenelik keshenge qatysty kez kelgen sharýanyń júzege asýyna atsalysyp júrgen el aǵalary Ábilqaq Túgelbaev, Myrzaǵalı Erǵalıev, Aqkól aýylynyń ákimi Erlan Qabyltaev barynsha qoldaý kórsetýde. Jalpy, qazirgi ýaqytta qorǵa 10,5 mln teńge jınaldy. Qazir qurylys materıaldary baǵasynyń aspandap ketkenin bilesizder. Sáıkesinshe, jobany júzege asyrýǵa shamamen 90 mln qarajat jumsalady dep eseptep otyrmyz. Qurylysqa jaldamaly jumyskerlerden bólek, Ekibastuz qalasyna qarasty aýyldardyń, Aqtoǵaı aýdanynyń quramyndaǵy aýyldardyń azamattary asar jasap, úlesterin qosýda. Qonaqúı osy jyldyń tamyz aıynynyń basynda qoldanysqa beriledi dep kútilýde, – deıdi Manat Alǵambarov.
Qonaqúıdiń qurylysy aıaqtalǵan soń Aqkól aýylynda ornalasqan mýzeı osynda kóshirilmek. Jergilikti halyq «Atam zıraty» atap ketken keseneniń basynda ıgi ister munymen toqtap qalmaq emes. Aldaǵy ýaqytta keshendi blok modýl ornatylyp, aýyz sý máselesi sheshimin tappaq. Buǵan deıin jaryqtandyrý isi rettelgenimen, jańa nysandardyń salynýy qosymsha energııa kózine suranysty arttyratyny túsinikti. Iаǵnı, qazirgi transformatordyń qaýqary jetpeıdi. Bul sharýany Ekibastuz qalasynyń ákimi Ardaq Qańtarbaev tyndyrýǵa ýáde beripti.
Isabek ıshan damyl tapqan Qyldykól Ekibastuz qalasynan 95 shaqyrymdaı jerde ornalasqan. Al Aqkól aýyly men keseneniń arasyn 18 shaqyrym bólip tur. Bıyl uzyndyǵy 64 shaqyrymdy quraıtyn «GRES 1 – Basqamys» baǵytyndaǵy joldy jóndeýge qarajattyń alǵashqy transh bólinipti. Atap aıtsaq, respýblıkalyq bıýdjetten 900 mln teńge, qalalyq bıýdjetten 90 mln teńge qarastyrylyp, ázirge 12 shaqyrym jolǵa asfalt tóselmek. Jalpy, 3 jylǵa sozylatyn jobaǵa 4,5 mlrd teńge qarajat jumsalatyn kórinedi. Aıtpaqshy, bıyl Keńes zamanynan beri asfalttyń ne ekenin bilmegen Aqkól aýylyna kireberis 8 shaqyrym joldy jóndeýge qalalyq bıýdjetten 268 mln teńge bólinip, asfalt jol tóselmek. Bul joba da Isabek ıshan kesenesine alańsyz qatynaýǵa septigin tıgizbek.
Jalpy, Qyldykóldiń basyndaǵy ıgi ister 2011 jyly bastaý aldy desek qatelespeımiz. Sol jyly Isabek ıshannyń kesenesin turǵyzý úshin Mańǵystaý óńirinen arnaıy aq tastar ákelinip, 90 kúnniń ishinde Ermuhambet Álıev bastaǵan sheberler úlken sharýany tyndyryp úlgerdi. Kesene aýmaǵynda táý etýshilerge arnalǵan meshittiń qurylysy 40 kúnniń ishinde aıaqtaldy. Sol ýaqytta qaıǵy-qasiretinen arylý, syrqatynan aıyǵý úshin táý etip keletin kisilerge qyzmet kórsetetin shyraqshyny tabý máselesi aldan shyqty. Kópshiliktiń qýanyshyna qaraı, qojalardyń jalǵasy Erǵalı Ábsattarov jaýapkershiligi mol isti qolǵa alýǵa bel býypty. Aıtpaqshy, Isabek ıshannyń shóberesi Jandarbek ata kózi tirisinde Erǵalıǵa batasyn bergen kórinedi. Sodan bolar, shyraqshy áli kúnge deıin táý etýge kelgen turǵyndarǵa qyzmet kórsetip, mańyzdy mıssııany múltiksiz oryndaýǵa baryn salýda.
Baıqaǵandaryńyzdaı, «Atam zıratynyń» basynda ınfraqurylym jumystary úzilmeı keledi. Jol máselesi tolyǵymen sheshimin tapsa, rýhanı jobalardy júzege asyrýǵa jol ashylar edi. Máselen, Máshhúr Júsiptiń kesenesi de Ekibastuz qalasyna jaqyndaý ornalasqanyn eskersek, zııarat etýshilerge taǵdyr tabystyrǵan qos áýlıeniń kesenesine qatar táý etý múmkindigi buıyryp, jańa týrıstik marshrýt ashýǵa bolatyndaı.
Pavlodar oblysy,
Ekibastuz qalasy
