Qazaqstan • 23 Maýsym, 2022

Batyr jerinde ótken saltanatty jıyn

28 ret kórsetildi

Qazaqstan polısııasynyń qurylǵanyna 30 jyl tolýyna oraı jambyldyq 30 jas qyzmetker saltanatty túrde ant qabyldap, qatarǵa qosyldy.

Saltanatty is-shara dańqty qolbasshy Baýyrjan Momyshulynyń týǵan jeri – Jýaly aýdanyndaǵy batyrdyń mýzeıinde ótti. Jıynǵa jeke quram qyzmet­kerleri men jas sarbazdardyń ata-analary qatysty.

Aldymen QAJ departamentiniń jeke quramy men jas sarbazdary sapqa turdy. Ant qabyldaý is-sharasynyń ashylý saltanaty batyrdy eske alý úshin bir mınýt únsizdik jarııalaýmen bastaldy. Munan soń Jambyl oblysy boıyn­­­sha Qylmystyq-atqarý júıesi departamentiniń basshysy Nııaz Ryspaev jınalǵandardy Qazaqstan Respýblıkasy polısııasynyń
30 jyldyǵymen quttyqtady.

– Qaı kezeńde de quqyq qorǵaý qyzmetker­leri – elimizdiń qaýipsiz­diginiń tiregi, tynysh­tyǵymyzdyń senimdi kepili jáne memlekettik bedeldiń ólshemi. Táýelsizdik jyldarynda elimizde kásibı polısııa qyzmetkerlerin qalyptastyrý maqsa­tynda túrli reformalar uıym­das­tyryldy. Elimizdiń tynysh­tyǵyna tolyqtaı jaýap beretin baǵdar­lamalar qabyl­dandy. Búginde bizdiń eldiń tártip saq­shylary – barlyq qazaqstandyqtyń qor­ǵany. Qarýly Kúshter qataryndaǵy qyz­met árbir azamat úshin zor maqtanysh, – dedi ol.

Is-shara barysynda departament basshysy B.Momyshulynyń ne­mere inisi Beket Momynqulǵa sha­pan jaýyp, qurmet kórsetti. О́z keze­gin­de batyrdyń týysy depar­tament basshylyǵyna alǵysyn bildi­rip, batyrdyń ónegeli ómirine qyzy­ǵýshylyq tanytqan QAJ qyzmet­kerlerimen jıi kezdesýge daıyn ekenin jetkizdi. Budan keıin jas sarbazdar kezekpen saptan shyǵyp, Otan aldynda adal qyzmet etýge saltanatty túrde ant etti.

Bul kúni 30 jas qyzmetker ant qabyldap, Memlekettik Ánuran oryndaldy. Jıyn sońynda qatarǵa jańa qosylǵan jas saqshylar Baýyrjan Momyshulynyń eskertkishine gúl shoqtaryn qoıdy.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar