Saltanatty is-shara kezinde IIO ardagerler keńesiniń tóraǵasy О́mirzaq Bolsambekov ekspozısııanyń tarıhı mánine toqtalyp, ıgi bastamanyń jas býynǵa berer taǵylymy mol ekenin aıtty. «Ishki ister mınıstrliginiń, Ulttyq ulannyń, osy eki salanyń tarıhyn jas qyzmetkerlerimizge, áskerlerimizge nasıhattap, tarıhyn bilsin degen maqsatta jasalyp otyrǵan úlken ıgi is-shara», dedi mılısııa general-maıory.
Is-shara barysynda tarıhty tanytýǵa úles qosyp júrgen Qarýly Kúshteri memlekettik tarıhı áskerı mýzeıdiń basshysy Nurtaza Asılov «Ulttyq ulanǵa 30 jyl» mereıtoılyq medalimen, Ishki ister mınıstrligi murajaıynyń qyzmetkeri Almagúl Satmaǵambetova «Ardagerler qozǵalysyn damytýǵa qosqan úlesi úshin» estelik medalimen marapattaldy. Mýzeıdiń úshinshi qabatynda ornalasqan ekspozısııaǵa 300-ge jýyq jádiger qoıylǵan. Olardyń ishinde Ishki ister mınıstrliginiń qalyptasý jolyndaǵy qundy qujattar, qyzmette paıdalanylǵan qurylǵy, qarýlar bar. Ulttyq ulannyń tarıhynan syr shertetin qundy derekter saqtalǵan.
Ekspozısııa Qazaqstan Respýblıkasy Qarýly Kúshteriniń áskerı tarıhı mýzeıinde qalady. Osylaısha, endi ishki ister organdarynyń 30 jyldaǵy tarıhyn qala turǵyndary men qonaqtary da tamashalaı alady. Al mınıstrlik janyndaǵy murajaı qyzmetkerleri jádigerler qataryn únemi tolyqtyryp otyratyn bolady.
