Aımaqtar • 23 Maýsym, 2022

Qaraǵandy oblysynda ormandy dala órtenip jatyr

19 ret kórsetildi

21 maýsymda Buqar jyraý aýdanyndaǵy Belaǵash orman sharýashylyǵy aýmaǵynda shyqqan tabıǵı órt sóndirildi. Al Qarqaraly aýdanynda 400 jáne 500 ga jerge jaıylǵan órtke tikushaqpen sý shashyp jatyr, dep habarlaıdy Egemen.kz.

Qaraǵandy oblysy tótenshe jaǵdaılar departamentiniń málimdeýinshe, Qaraǵandy oblysyna qarasty Belaǵash orman sharýashylyǵy aýmaǵyndaǵy órt 22 maýsymda saǵat 22:13-te joıyldy.

Vedomsvto órttiń jalpy aýmaǵy 101,5 ga bolǵanyn habarlady. 

«О́rtti sóndirýge Qaraǵandy oblysynyń TJD, QR TJM 52859 á/b, órtke qarsy erikti quralymdardyń orman sharýashylyǵy jáne jergilikti atqarýshy organdarynyń kúshteri jumyldyryldy», delingen habarlamada.

Al 21 maýsymda Egindibulaq aýylynan soltústik-shyǵysqa qaraı 10 shaqyrym jerde shyqqan órt áli sóndirilip jatyr.

Tótenshelikterdiń málimdeýinshe, 22 maýsymda shyqqan órttiń ekinshi oshaǵynyń aýdany shamamen 500 gektarǵa jetti.

«О́rtti sóndirýge barlyǵy 182 adam, 30 birlik tehnıka jumyldyryldy. TJM tikushaqtarymen janyp jatqan ýchaskelerge sý shashyp jatyr. Tikushaqtar órt oshaqtaryna 42 ret sý shashty», dep habarlady Qaraǵandy oblysy TJD baspasóz qyzmeti.

Departament ókilderi órtti sóndirýge sý qoımalarynyń alystyǵy men jel ekipini kedergi keltirip jatqanyn málimdedi.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar