Ishkeni aqtalýǵa negiz emes

«Ertis aýylynda belgisiz bireý qoǵamdyq oryndarda ornalasqan úsh aqparattyq bannerdi búldirip, №1 orta mekteptiń syrtqy beı­ne­baqylaý kamerasyn urlap áketipti. Onymen qoımaı, týberkýlezge qarsy emdeıtin aýrýhana, aýdandyq aýrýhana, balalar óner mektebi, qazynashylyq basqarmasy sııaqty ákimshilik ǵımarattarda ilinip turǵan eli­mizdiń Memlekettik týlaryn julyp alypty» degen habardy estip, «Aıdyń, kúnniń amanynda Týymyzdy juldyryp qarap otyramyz ba!» dep jurtshylyq ta eleń ete tústi. Sóıtip, jedel-izdestirý sha­ra­lary barysynda 1985 jy­ly týǵan buryn sottalǵan Fanıs Ganıev degen ustalyp, ýaqytsha oqshaýlaǵyshqa qama­lypty. F.Ganıevtiń ózi mundaı beıbastaqtyq, áreketke mas kú­ıinde barǵanyn aıtypty. Osy­ǵan oraı, aýdandyq ishki ister bólimi F.Ganıevke qatysty el­i­­mizdiń Memlekettik nyshandardy qor­laǵany úshin qylmystyq is jáne usaq buzaqylyq jasaǵany úshin ákimshilik óndiris is qozǵady. Farıda BYQAI,  «Egemen Qazaqstan». Pavlodar oblysy, Ertis aýdany.