Memleketaralyq izdeýde júrgen alaıaq tuzaqqa tústi

Qostanaı oblysy boıynsha qarjy polısııasy departamentiniń qyzmetkerleri jedel izdestirý sharalaryn júrgizip, Maral  Tańat­qanov degen azamatty ustady. Ol alaıaqtyq jasaýyna baılanysty aıyptalyp, memleketaralyq izdeýde júrgen bolatyn. Maral Tańatqanov óziniń inisi Janar Tańatqanovpen jáne birneshe týystarymen sybaılasa otyryp, alaıaqtyq jasaǵan. Olar qalada qınalyp júrgen turǵyndardyń senimine kirip, aldap, olardyń qozǵalmaıtyn dúnıe-múlkin óziniń týystarynyń atyna jazyp ala bergen de, shetinen sata bergen. Sonymen qatar, olar áleýmettik tólemaqylarmen de alaıaqtyq jasady degen kúdik bar. Qazir bul alaıaq topqa Qylmystyq kodekstiń túrli baptary boıynsha 10 qylmystyq is qozǵaldy. Talaıdy san soqtyrǵan alaıaqtar isin tergeý úshin quramynda prokýratýra, Eko­nomıkalyq qylmysqa jáne sybaılas jem­qorlyqqa qarsy kúres departamentiniń, Ishki ister departamentiniń ókilderi bar ar­naıy vedomstvoaralyq jedel tergeý toby quryldy. Qarjy polısııasy oblys tur­ǵyndaryna Tańatqanovtar alaıaqtyǵynan zardap shekkenderdiń, olardyń qylmysyn biletinderdiń habarlasýyn ótinip otyr. Názıra JÁRIMBETOVA, «Egemen Qazaqstan». QOSTANAI.